11 کاتژمێر پێش ئێستا
113 جار خوێنراوەتەوە
ئیسپانیا نەخشەڕێیەك بۆ ڕاگرتنی جەنگی سەر غـ.ەززە دەخاتە بەردەم یەكێتیی ئەورووپا
پەیام
ئیسپانیا نەخشەڕێیەك بۆ ڕاگرتنی جەنگی سەر كەرتی غەززە دەخاتە بەردەم یەكێتیی ئەورووپا، بەرپرسێكی یەكێتییەكەش بێئومێدیی لە سەپاندنی سزا لەلایەن یەكێتییەكەوە بەسەر قەوارەی زایۆنییدا نیشان دەدات.
خۆسێ مانوێڵ ئەلبارێس وەزیری دەرەوەی ئیسپانیا لە تویتێكدا ئاشكرایكرد، كە وڵاتەكەی نەخشەڕێیەك بۆ ڕاگرتنی جەنگی سەر كەرتی غەززە پێشكەشی یەكێتیی ئەورووپا دەكات.
نووسیویشیەتى: پێویستە زۆر بەخێرایی بۆ ڕاگرتنی برسێتی و مردن و بەدیهێنانی ئاشتی لە ڕۆژهەڵاتی ناوەڕاست جووڵە بكەین.
ئەوەشى خستووەتەڕوو: ئیسپانیا لە میانی كۆبوونەوەی ئەمڕۆی وەزیرانی دەرەوەی یەكێتیی ئەورووپا بەرگریی لە گرنگیی نەخشەڕێیەكەی دەكات، كە خۆی لە سەپاندنی گەمارۆی فرۆشتنی چەك و فراوانكردنی لیستی گەمارۆكاندا دەبینێتەوە، چونكە كاتی قسە كۆتایی هاتووە و كاتی ئەوەیە هەنگاوی كردەیی بۆ كۆتاییهێنانی ئەو قەیرانە بنێین.
لای خۆیەوە و هەر لەسەر ئاستی یەكێتیی ئەورووپا، كایا كالاس بەرپرسی سیاسەتی دەرەوەی یەكێتییەكە ڕایگەیاند: گەشبین نیم بەوەی ئەورووپا بتوانێت سزا بەسەر ئیسڕائیلدا بسەپێنێت، چونكە كۆدەنگی لەوبارەوە نییە.
كایا كاڵاس وتیشی: دۆخی مرۆیی لە كەرتی غەززە زۆر باش نەبووە، ئەوەی ئیسڕائیل دەیكات هاندەر نییە.
لە تۆڕە کۆمەڵایەتیەکان شەیری بکە