9 کاتژمێر پێش ئێستا
128 جار خوێنراوەتەوە
كۆنگرەیەكی زانایانی ئیسلامی تایبەت بە جەنگی سەر غـ.ەززە لە توركیا بەڕێوەچوو
پەیام
كۆنگرەیەكی تایبەت بە جەنگی سەر كەرتی غەززە لە توركیا بەڕێوەچوو و لە ڕاگەیەنراوی كۆتاییشدا ژمارەیەك ڕاسپاردەی بڵاوكردەوە كە دیارترینیان ڕەتكردنەوەی داماڵینی چەكی بەرەی بەرەنگاری و بانگەواوی پچڕاندنی پەیوەندییەكانە لەگەڵ قەوارەی زایۆنی.
بۆ ماوەی هەشت ڕۆژ و لە دوورگەی دیموكراتی و ئازادی لە دەریای مەڕمەڕەی شاری ئەستەنبوڵ لە توركیا كۆنگرەیەك لەژێر ناونیشان (غەززە: بەرپرسیارێتی ئیسلامی و مرۆیی)، تایبەت بە جەنگی سەر كەرتی غەززەی فەڵەستین و مزگەوتی ئەقسا بەڕێوەچوو.
كۆنگرەكە لەلایەن یەكێتیی جیهانیی زانایانی مسوڵمان و وەقفی زانایانی ئیسلامی لە توركیا ڕێكخرا و نزیك بە 200 زانای ئیسلامی لە 50 وڵاتی جیهانەوە تێیدا بەشدار بوون، دوێنێ هەینی بە ڕاگەیەنراوێك لەژێر ناوی (ڕاگەیەنراوی ئیستەنبوڵ) و پێكهێنانی هاوپەیمانێتیی جیهانیی مافناسان و پەڕلەمانتاران بۆ ڕاگرتنی كۆمەڵكوژیی قەوارەی زایۆنی لە كەرتی غەززە، كۆتایی بە كارەكانی هێنا.
لە ڕاگەیەنراوەكەدا كە لەلایەن د. عەلی قەرەداغی سەرۆكی یەكێتیی جیهانی زانایانی مسوڵمانەوە خوێنرایەوە، لەمیانی 13 خاڵدا، ژمارەیەك بڕیار و ڕاسپاردەی كۆنگرەكە ئاماژەیان پێ كرا و لیژنەیەكیش لە زانایان بۆ سەردانی وڵاتان و دامەزراوە نێودەوڵەتییەكان پێكهێنرا.
لە تۆڕە کۆمەڵایەتیەکان شەیری بکە