10 کاتژمێر پێش ئێستا
114 جار خوێنراوەتەوە
چوار تۆمەتبار کە بۆ خۆحەشاردان لە دهۆکەوە هاتبوونە سلێمانى، دەستگیركران
پەیام
بەڕێوەبەرایەتیی ئاسایشی سلێمانی چوار تۆمەتبارى دەستگیر كرد، كە لە پارێزگای دهۆك تاوانێكی كوشتنیان كردبوو و بۆ خۆحەشاردان ڕوویان لە پارێزگای سلێمانی كردبوو.
بەڕێوەبەرایەتیی ئاسایشی سلێمانی ڕایگەیاند، چوار تۆمەتباری هەڵاتوو لە یاسایان لە یەكێك لە هۆتێلەكانی شاری سلێمانیی دەستگیر كردووە، كە بە مەبەستی خۆحەشاردان ڕوویان لەسلێمانی كردبوو.
دەشڵێت "ئێستا تۆمەتباران بە ماددەی 406 لە یاسای سزادانی عێراقی ڕاگیراون و بەپێی تایبەتمەندی كەیسەكەیان، ڕادەستی بەڕێوەبەرایەتیی پۆلیسی پارێزگای دهۆك دەكرێنەوە".
ئەو تۆمەتبارانە ژمارەیان چوار كەسە و لە 2024 لەپارێزگای دهۆك لەسەر كێشەی كۆمەڵایەتیی هاوڵاتییەكیان كوشتووە و هەڵاتوون، لە 19-8-2025 لە لایەن ئاسایشی سێمانییەوە دەستگیركراون، بەڵام ئەمڕۆ ڕاگەیەنراوە.
لە تۆڕە کۆمەڵایەتیەکان شەیری بکە