10 کاتژمێر پێش ئێستا
90 جار خوێنراوەتەوە
ئۆجەلان جەخت لە بەئەنجامگەیاندنی پڕۆسەى ئاشتی دەکاتەوە
پەیام
شاندی ئیمڕاڵی دوای كۆبوونەوەی لەگەڵ ڕێبەری زیندانییكراوی پەكەكەدا ڕاگەیانراوێكی بڵاو كردەوە كە تێیدا هاتووە: ئۆجەلان پێداگری خۆی لەسەر بەئەنجامگەیاندنی پڕۆسەكە دووپات كردووەتەوە.
دوێنی شاندی ئیمڕاڵیی پارتی یەكسانی و دیموكراسیی گەلان (دەمپارتی) بۆ ماوەی سێ كاتژمێر لەگەڵ عەبدوڵڵا ئۆجەلان ڕێبەری زیندانییكراوی پارتی كرێكارانی كوردستان (پەكەكە) زیندانیی دوورگەی ئیمڕاڵی كۆبووەوە.
ئەمڕۆ، هەینی، شاندەكە ڕاگەیەنراوێكی لەبارەی دیدارەكەی زیندان بڵاوكردەوە و لەگەڵئەوەی جەختی لە "تەندروستباشیی ناوبراو كردەوە" ڕایشیگەیاند: ئۆجەلان وەك هەمیشە بە ورە بووە دەربارەی پرۆسەكە و پێداگری خۆی لەسەر بەئەنجامگەیاندنی دووپات كردووەتەوە.
لە ڕاگەیەنراوەكەدا ئەوەش هاتووە: ئۆجەلان دەربارەی هەوڵی چەند لایەن و بازنەیەك كە لە بانگەشەدان بۆ تێكدانی پڕۆسەكە، وتوویەتی: ئەم هەوڵانە دەربارەی تێكدانی پڕۆسەكە زیانی گەورەی پێ دەگەیەنێت، پڕۆسەكە پێویستیشی بە قۆناغێكی نوێ هەیە كە هەموو لایەنەكان هەنگاوی بۆ بنێین.
بەپێی شاندەكە ڕێبەری زیندانییكراوی پەكەكە جەختیشی لە چارەسەری خێرا و پێویست بۆ پرسەكان كردووەتەوە.
وەك لە ڕاگەیەنراوەكەدا هاتووە: ئامانجمانە پڕۆسەكە بە بێ ئازار و بە ئاسانی كۆتایی پێ بهێنین، لەو پێناوەشدا چیمان لەدەست بێت دەیكەین.
لە تۆڕە کۆمەڵایەتیەکان شەیری بکە