4 کاتژمێر پێش ئێستا
93 جار خوێنراوەتەوە
ئەمریكا ڕەتیدەكاتەوە سبەینێ هێزەکانى دەست بە كشانەوە لە بەغداد بكەن
پەیام
باڵیۆزخانــەی ئەمریكا ڕەتیكردەوە هێزەكانی وڵاتەكەی سبەینێ بە شێوەیەكی تەواوەتی بەغدای پایتەختی عێراق جێبهێڵن و لە بەرانبەردا جەخت لە خشتەی دیارییكراوی كشانەوەی هێزەكانی دەكاتەوە.
ئاژانسی هەواڵی فەڕمیی عێراقی، ڕاگەیەنراوی وتەبێژی باڵیۆزخانەی ئەمریكا لە بەغدا بڵاوكردەوە، كە تێیدا هاتووە: ئەو دەنگۆیانەی دەڵێن لە سبەینێوە دەست بە كشانەوەی هێزەكانی ئەمریكا لە بەغداد دەكرێت، ڕاست نین.
هەروەها ئەوەش ڕاگەیەنراوە "هێزەكانی هاوپەیمانان پابەندن بەو خشتەیەی كە 27ـی ئەیلوولی 2024 بڵاو كرایەوە، كە تێیدا هاتبوو "هێزەكانی ئەمریكا و هاوپەیمانان هێزە سەربازییەكانیان تا كۆتایی مانگی ئەیلوولی ئەمساڵ لە ناوەڕاست و باشووری عێراق دەكشێننەوە".
باڵیۆزخانەی ئەمریكا ڕایشیگەیاندووە: بەپێی ڕاگەیەنراو و لێكتێگەیشتنی واژووكراوی نێوان ئەمریكا و عێراق، لە دوای كشانەوەی هێزە شەڕكەرەكانی ئەمریكاوە، تایبەتمەندی بوونی هێزەكانی ئەمریكا بۆ پەیوەندی ئاسایشی دوولایەنە دەگۆڕێت.
ڕاگەیەنراوەكەی باڵیۆزخانەی ئەمریكا لە كاتێكدایە سەرەتای ئەم هەفتەیە وا بڵاوكرایەوە كە لە ڕۆژانی شەممە و یەكشەممەی هەفتەی داهاتوودا بەپەلە ئەمریكا هێزەكانی لە بەغدادی پایتەخت دەكشێنێتەوە.
لە تۆڕە کۆمەڵایەتیەکان شەیری بکە