4 کاتژمێر پێش ئێستا
114 جار خوێنراوەتەوە
ئەمریكا ڕێگری لە بەشداربوونی مەحمود عەباس لە كۆبوونەوەی نەتەوەیەكگرتووەكان دەكات
پەیام
ئەمریكا ڕێگری لە ئامادەبوونی مەحمود عەباس و سەركردەكانی دیكەی فەلەستین لە كۆبوونەوەی مانگی داهاتووی كۆمەڵەی نەتەوەیەكگرتووەكان دەكات و بڕیاریداوە ڤیزایان پێ نەدات.
ئاژانسی فۆكس نیوزی ئەمریكی بڵاویكردوەتەوە، بە بڕیاری وەزیری دەرەوەی ئەمریكا، ڤیزای ئەمریكی بە سەركردەكانی دەسەڵاتی فەلەستین و ڕێكخراوی رزگاری فەلەستینی، لە ناویاندا مەحمود عەباس، سەرۆكی دەسەڵاتی فەلەستین نادرێت.
بەپێی هەواڵی میدیا ئەمریكییەكە، بڕیارەكەی وەزارەتی دەرەوەی ئەمریكا لەسەر بنەمای یاسایەكی كۆنی ئەمریكایە كە ڕێگری لە دامەزراندنی دەوڵەتی فەلەستین دەكات و هەروەها سزای ئەو ڕێكخراوو كەسایەتیانە دەدات كە ئەمریكا وەك تیرۆریست ریزبەندی كردوون.
هەروەها راشگەیەنراوە، بەهۆی بڕیارەكەی وەزارەتی دەرەوەی ئەمریكاوە سەرۆكی دەسەڵاتی فەلەستین و سەركردەكانی دیكەی ناتوانن بەشداری لە كۆبوونەوەی ساڵانەی كۆمەڵەی نەتەوەیەكگرتووەكان بكەن كە بڕیارە لە كۆتایی مانگی ئەیلوولی داهاتوو لە ئەمریكا بەڕێوەبچێت.
چەندین وڵات لە نێویاندا، فەرەنسا، بەریتانیا و ئوستورالیا بڕیاریانداوە لەو كۆبوونەوەیەدا دان بە دەوڵەتی فەلەستیندا بنێن كە ئەمریكا دژایەتی هەر جۆرە هەنگاوێكی لەو شێوەیەی كردووە.
لە تۆڕە کۆمەڵایەتیەکان شەیری بکە