8 کاتژمێر پێش ئێستا
112 جار خوێنراوەتەوە
دهۆك.. گۆڕستانێك دۆزرایەوە، كە مێژووەكەی بۆ 2300 پێش ئێستا دەگەڕێتەوە
پەیام
بەهۆی دابەزینی ئاستی ئاوی بەنداوی مووسڵ، لە ناحیەی خانكێ سەر بە پارێزگای دهۆك، گۆڕستانێك كە مێژووەكەی بۆ نزیكەی 2300 ساڵ بەر لە ئێستا دەگەڕێتەوە و زیاتر لە نیو سەدەیە ژێر ئاو كەوتبوو ، دۆزرایەوە.
لەوبارەوە بەڕێوەبەری شوێنەوار و كەلەپووری پارێزگای دهۆك ڕایگەیاند: دوای دابەزینی ئاستی ئاوی بەنداوی مووسڵ، لە ساڵی 2023 ڕووپێویكی شوێنەوارییمان كرد، شارێكی مێژووییمان دۆزییەوە، ئەمساڵیش كە ئاستی بەنداوی مووسڵ زیاتر دابەزی گۆڕستانێك دەركەوت كە تا ئێستا 40 گۆڕ تێدا دۆزراوەتەوە، لە ئێستادا دەست بە كنەوپشكنینی گۆڕەكان كراوە، پاشان بۆ مۆزەخانەی دهۆك دەگوازرێنەوە.
ئەو وتیشی: گۆڕەكان بە شێوازێكی سەیر نێژراون، تابووتیان بە فوخار و لە سەر شێوازی هێلكەیی دروست كراون.
لە تۆڕە کۆمەڵایەتیەکان شەیری بکە