لە 20 رۆژدا نزیکەى 32 هەزار کەس ناویان بۆ حەجی 2026 تۆمارکردووە

پەیام 

لەماوەى 20 رۆژى ڕابردوودا نزیکەى 32 هەزار کەس لە هەرێمى کوردستان بەشێوەى ئۆنلاین ناویان بۆ حەجی ساڵى  2026  تۆمارکردووە.

رۆژى 10ى 8ى 2025، وەزارەتى ئەوقافى هەرێم پڕۆسه‌ی تۆماركردنی ناوی حاجیانى به‌شێوه‌ی ئه‌لیكترۆنی ڕاگەیاند و پڕۆسەکە تاوەکو رۆژى 20ى 9ى 2025 بەردەوام دەبێت.

بەگوێرەى ئەو لینکەى وەزارەتەکە دایناوە، تاوەکو سەر لە ئێوارەى ئەمڕۆ، 31 هەزار و 862 کەس بەشێوەى ئۆنلاین ناوى خۆیان بۆ حەجی ساڵى 2026  تۆمارکردووە.

لەدواى کۆتاییهاتنى پڕۆسەکە بڕیارە رۆژى 1ى 10ى 2025، لەو ناوانەى کە تۆمارکراون تیروپشک بۆ  5 هەزار و 236 کەس بکرێت.