6 کاتژمێر پێش ئێستا
107 جار خوێنراوەتەوە
ڤلادیمیر پوتین بە سەردانێكی فەرمی چوار ڕۆژە گەیشتە چین
پەیام
سەرۆكی ڕوسیا، ئەمڕۆ یەكشەممە بە سەردانێكی چوار ڕۆژە گەیشتە شاری تایانجینی چین و بڕیارە ژمارەیەك دیدار ئەنجام بدات.
ڤلادیمێر پوتین سەردانەكەی بۆ شاری تایانجینی لەسەر بانگێهشتی شی جین پینگ، هاوتا چینییەكەی ئەنجام دەدرێت بۆ بەشداری لە چالاكییەكانی یادكردنەوەی 80 ساڵەی كۆتایی هاتنی جەنگی جیهانی دووەم لە پەكین، كە بڕیارە وەك میوانی سەرەكی لە نمایشی سەربازی ئەو بۆنەیەدا ئامادە بێت.
هاوكات بڕیارە لە سەردانەكەیدا سەرۆكی ڕوسیا بەشداری لە لوتكەی ڕێكخراوی هاوكاری شانگهای دەكات، كە لە شاری كەناراوی تایانجین بەڕێوە دەچێت. لە پەراوێزی ئەم لوتكەیەدا، چاوەڕوان دەكرێت پوتین زنجیرەیەك كۆبوونەوەی دووقۆڵی ئەنجام بدات، لەوانەش گفتوگۆ لەگەڵ مەسعود پزیشكیان، سەرۆكی ئێران، نارێندرا مۆدی، سەرۆك وەزیرانی هیندستان، و ڕەجەب تەیب ئەردۆغان، سەرۆكی توركیا، و چەندین سەركردەی دیكەی وڵاتان.
لە تۆڕە کۆمەڵایەتیەکان شەیری بکە