5 کاتژمێر پێش ئێستا
99 جار خوێنراوەتەوە
بە تۆمەتى دزینى 20 هەزار دۆلار لە ماڵێكدا، دوو دەرۆزەکەر دەستگیرکران
پەیام
بە تۆمەتى دزینى 20 هەزار دۆلار لە ماڵێكدا، مەفرەزەكانی نوسینگەی نەهێشتنی تاوانی سەیدسادق دوو تۆمەتباریان دەستگیركرد کە پیشەیان دەرۆزەکردنە.
بەڕێوەبەرایەتی پۆلیسی پارێزگای سلێمانی بڵاویكردوەتەوە، دوای ئەوەی هاوڵاتیەك سكاڵای تۆماركرد كە لەماڵەكەی خۆیدا دزی لێكراوەو بڕی 20 هەزارو 100 دۆلاری ئەمریكی لێدزراوە، هێزەكانی پۆلیس لێكۆڵینەوەو بەدواداچونەكانیان بۆ دۆزینەوەو دەستگیركردنی تۆمەتباران دەستپێكرد، دوای وەرگرتنی بڕیاری دادوەر توانرا لەلایەن مەفرەزەكانی نوسینگەی نەهێشتنی تاوانی سەیدسادقەوە دوو تۆمەتبار دەستگیربكرێن، كە بەناوی دەرۆزەكردنەوە چونەتە ماڵەكەی و پارەكەیان بردووە.
پۆلیسی سلێمانی راشیگەیاندوە، لەئێستادا هەریەك لەتۆمەتباران كە پیشەیان دەرۆزەكردنە راگیراون و دانیانناوە بەتاوانەكەیاندا، لەكاتی دەستگیركردنیشیاندا دەستگیراوە بەسەر بڕێك لەپارە دزراوەكەدا.
لە تۆڕە کۆمەڵایەتیەکان شەیری بکە