3 رۆژ پێش ئێستا
270 جار خوێنراوەتەوە
سەرۆكی ئەمریكا ناوی "وەزارەتی بەرگری" بۆ "وەزارەتی جەنگ" دەگۆڕێت
پەیام
ئەمڕۆ ترەمپ بە فەرمی ناوی وەزارەتی بەرگریی ئەمریكا دەگۆڕێت
بۆ وەزارەتی جەنگی ئەمریكا.
بەرپرسێكی كۆشكی سپی ڕایگەیاند، ئەمڕۆ هەینی دۆناڵد ترەمپ،
سەرۆكی ویلایەتە یەكگرتووەكانی ئەمریكا فەرمانێك واژوو دەكات كە تیایدا پرۆسەی
دووبارە ناونانەوەی وەزارەتی بەرگریی ئەمریكا "پنتاگۆن" دەست پێ دەكات بۆ
گۆڕینی بۆ "وەزارەتی جەنگ". هەروەها چاوەڕێ دەكرێت فەرمانە جێبەجێكارییەكە
ڕێگە بدات كە بەرپرسانی وەزارەتەكە بە فەرمی نازناوی جەنگ بەكاربهێنن لە میدیا و پەیوەندییە
گشتییەكاندا، وەك وەزیری جەنگ، جێگری وەزیری جەنگ و بەرپقرسیارێتییەكانی دیكە.
دۆناڵد ترەمپ لەو كاتەوەی گەڕاوەتەوە بۆ كۆشكی سپی چەند
هەنگاوێكی بۆ گۆڕینی ناو وشوێنە جیاوازەكان لە ئەمریكاو جیهان ناوە، ئەمەش كاردانەوەی جۆراوجۆری لێ كەوتووەتەوە.
بەڵام بەهۆی ئەوەی زۆرینەی ئەنجوومەنی پیران وئەنجوومەنی نوێنەرانی ئەمریكا لە كۆمارییەكان پێكهاتوون كە حزبەكەی ترەمپە،
ئەگەرێكی دوورە كە بڕیاری ناوگۆڕینەكە دژایەتی بكرێت.
وەزارەتی بەرگریی ئەمریكا "پنتاگۆن" تا ساڵێ
1949 بەناوی وەزارەتی جەنگەوە ناسرا بەڵام كۆنگرێس لەدوای جەنگی جیهانیی دووەمەوە
سوپا و هێزەدەریایی و ئاسمانییەكانی یەك خست و ناوی نا وەزارەتی بەرگری. بە ئاماژەدان
بۆ ئەوەی كە ئەمریكا كار لەسەر قەدەغەكردنی جەنگ دەكات، بەڵام ترەمپ ڕایگەیاند:
دووبارە بۆ ناوە هێرشبەرییەكە دەگەڕێینەوە.
لە تۆڕە کۆمەڵایەتیەکان شەیری بکە