5 کاتژمێر پێش ئێستا
131 جار خوێنراوەتەوە
یەکەیەکی سوپای ئیسرائیل چووە ناو خاکى سووریا
پەیام
یەکەیەکی سەربازیی سوپای ئیسرائیل چووە ناو
گوندەکانی سایسون و سملە سەر بە پارێزگای دەرعا ڕۆژئاوای سووریا.
ئاژانسی هەواڵی فەرمی سووریا SANA بڵاوی کردەوە، یەکەیەکی سەر بە سوپای ئیسرائیل
چوونەتە ناو گوندەکانی سایسون و سملە و پشکنینیان ئەنجام داوە.
بە پێی ئەم هەواڵە، نزیک بە ١٨ ئۆتۆمبێلی سەربازیی
سوپای ئیسرائیل چوونە ناو ئەو گوندانە و ناوچەکەیان بە تەوای کێوماڵ کردووە و
هاوکاتیش هێزێکی سەر بە سوپای ئیسرائیل لە نزیک بنکەی سەربازیی سملە لە نزیک بەرزاییەکانی
گوڵان کە لە ژێر داگیرکاری ئیسرائیلدایە، جێگیر کراون.
هەواڵەکە ئاماژەی بەوەشداوە کە هاوکات لەگەڵ کێوماڵکردنی
ناوچەکە، فڕۆکە بێ فڕۆکەوانەکانی ئیسرائیلیش بەسەر ئاسمانی ناوچەکەدا چاودێری دۆخەکەیان
کردووە و ئەوەش ترس و دڵەڕاوکێی لای دانیشتوانی ناوچەکە دروست کردووە.
دەسەڵاتی سووریا بەرامبەر بەو کردەوانەی سوپای
ئیسرائیل کاردانەوەی نیشان داوە و بە تووندی سەرکۆنەی کردووە و ئاماژەی بەوەش
کردووە کە ئەوە هەوڵەکانی سەقامگیری لە ناوچەکە تێک دەدات و پێچەوانەی ڕێککەوتنی
ئاگربەستی نێوان دوو وڵاتە کە لە ساڵی ١٩٧٤ واژوو کراوە.
لە ڕاگەیاندراوەکەدا، حکوومەتی سووریا داوای لە
کۆمەڵگای نێودەوڵەتی کردووە کە بەرامبەر ئەو پێشێلکارییانەی ئیسرائیل بێدەنگ نەبن.
لە تۆڕە کۆمەڵایەتیەکان شەیری بکە