هاتووچۆی عێراق: كامێرای چاودێری رۆڵی بەرچاوی لە كەمكردنەوەی رووداو و سەرپێچییەكان هەبووە

پەیام

بەگوێرەى لێدوانێکى عەمید نەسیر عەبدولستار بەڕێوەبەری راگەیاندنى هاتووچۆی عێراق، دانانى كامێرای چاودێری رۆڵی بەرچاوی لە كەمكردنەوەی رووداو و سەرپێچییەكان هەبووە و بووەتەهۆی كەمبوونەوەی سەرپێچی بە ڕێژەی %95.

بەڕێوەبەری راگەیاندنى هاتووچۆی عێراق ڕاشیگەیاند، لە 1ی 7ى 2025ەوە دانانی كامێرای چاودێری لە 5 چوارڕیانی بەری رەسافەی بەغدا جێبەجێ كرا، دانانى ئەو کامێرانە هۆكار بووە بۆئەوەی رووداو و سەرپێچییەكانی هاتووچۆ بە رێژەی 90% بۆ 95% كەمببنەوە.

ئەوەشى خستووەتەڕوو، دانانی كامێراكان بەردەوام دەبێت و بەپێی پلانەكەش هەر چوار مانگ جارێك نزیكەی 40 چوارڕیان كامێرایان بۆ دادەنرێت، جگە لە دانانی 20 كامێرای دیكە لەسەر رێگە خێراكان بۆ تۆماركردنی تیژڕۆیی.

لە ساڵى 2024 دا دوو هەزار و ٧١٩ کەس بە ڕووداوەکانى هاتوچۆ لە شارەکانى عێراق جگەلە هەرێمى کوردستان گیانیانلەدەستداوە، ئەمە جگەلەوە ١١ هەزار و ٨٩٦ کەسیش بەو ڕووداوانە برینداربوون.