9 کاتژمێر پێش ئێستا
522 جار خوێنراوەتەوە
هیومان ڕایتس وۆچ، هێزەكانی پشتیوانی خێرای سودان بە كۆمەڵكوژی تۆمەتبار دەكات
پەیام
ڕێكخراوی (هیومان ڕایتس وۆچ) هێزەكانی پشتیوانی خێرای سودانی بە ئەنجامدانی كۆمەڵكوژی و پێشلێلكاری بەرفراوانی مافەكانی مرۆڤ دەرهەق بە هاووڵاتیانی ئاوارە لە باكووری دارفۆر تۆمەتبار كرد، دوای ئەوەی ئەو هێزانە لە 26ی ئەم مانگە و پاش 18 مانگ لە گەمارۆ دەستیان بەسەر شارەكەدا گرت.
ڕێكخراوەكە ڕوونیشكردووەتەوە، ژمارەیەك بەڵگەی ڤیدیۆییان لایە، كە دەریدەخات چەكدارانی پشتیوانی خێرا لەسێدارەدانی مەیدانی ئەنجام دەدەن و دەستدرێژی دەكەنە سەر هاووڵاتیان و برینداران.
هەروەها ڕاپۆرتە پزیشكییەكان ئاماژە بەوە دەدەن بەهۆی ڕێگری لە هاوكارییە مرۆییەكان و بڕینی هاوكارییەكان لەسەر هاووڵاتیانی مەدەنی، لەسەدا 75ی منداڵانی خوار تەمەن پێنج ساڵان تووشی بەدخۆراكی توند و برسێتی بوونەتەوە.
لەلایەن خۆشیەوە ڕێكخراوی تەندروستیی جیهانی لەزاری تێدرۆس ئەدهانۆم بەڕێوەبەری گشتیی ڕێكخراوەكە، سەركۆنەی كوشتنی نەخۆشان و هاووڵاتیانی شاری فاشری كرد و داوای ڕاگرتنی دەستبەجێی توندوتیژییەكان و گەیشتنی هاوكارییە مرۆییەكانی بەشێوەیەكی خێرا و سەلامەت كرد.
هاوكات حەمیدەتی فەرماندەی گشتیی هێزەكانی پشتیوانی خێرا دانی بە پێشێلكاری لەلایەن چەكدارانی هێزەكەیەوە نا و ڕایگەیاند: لیژنەی لێكۆڵینەوە بۆ ئەو بابەتە پێكدەهێنێت.
لە تۆڕە کۆمەڵایەتیەکان شەیری بکە