سەرۆكوەزیران سەرپەرشتی واژۆكردنی میكانیزمی جێبەجێكردنی ڕێككەوتنی ئاوی لەگەڵ توركیا كرد

پەیام:
سەرۆكوەزیرانی عێراق، سەرپەرشتی ڕێوڕەسمی واژووكردنی ڕێوشوێنی جێبەجێكردنی ڕێككەوتنی هاوكاری لە بواری ئاو لەگەڵ توركیادا كرد.

ڕێككەوتننامەكە لەلایەن هەر یەك لە فوئاد حسێن وەزیری دەرەوەی عێراق و هاكان فیدان وەزیری دەرەوەی توركیا بە ئامادەبوونی محەمەد شیاع سوودانی سەرۆك وەزیران واژوو كرا.

لە وتەیەكدا سودانی ڕایگەیاند: ئەم ڕێككەوتنە دەبێتە یەكێك لە چارەسەرە بەردەوامەكانی قەیرانی ئاو لە عێراق، لە ڕێگەی جێبەجێكردنی پڕۆژە گەورە هاوبەشەكان لە بواری ئاودا بۆ ڕووبەڕووبوونەوە و بەڕێوەبردنی قەیرانی كەمیی سەرچاوەكانی ئاو.

سودانی ئاماژەشی بە گرنگی بەدواداچوون بۆ جێبەجێكردنی دەرەنجامەكانی ڕێككەوتنەكە كرد كە هەردوو وڵات لە كاتی سەردانەكەی پاری ئەردۆغان بۆ بەغدا لەسەری ڕێك كەوتن.

لە بەرانبەردا، وەزیری دەرەوەی توركیا ستایشی هەنگاوەكانی حكومەتی ئێستای عێراقی كرد لە بەهێزكردنی پەیوەندییە دووقۆڵییەكاندا كە ئەنجامەكەی بە واژووكردنی چەندین ڕێككەوتن و لێكتێگەیشتن لە بوار و كەرتە جیاوازەكاندا دەركەوتووە.