داهاتی عێراق لە ماوەی هەشت مانگی ئەمساڵدا 82 تڕلیۆن دیناری تێپەڕاندووە

پەیام 

داهاتی عێراق لە ماوەی هەشت مانگی ئەمساڵدا 82 تڕلیۆن دیناری تێپەڕاندووە، بەڵام وەك هەمیشە 90%ی لە فرۆشی نەوت پێكهاتووە.

بەپێی خشتە و زانیارییەكانی وەزارەتی دارایی حكومەتی فیدڕاڵ قەبارەی داهاتی بودجەی فیدڕاڵیی لە سەرەتای ئەمساڵەوە تا كۆتایی مانگی هەشت 82 تڕلیۆن و 377 ملیار و 552 ملیۆن و 620 هەزار و 313 دینار بووە.

بەپێی ئامارەكەی وەزارەتی دارایی فیدڕاڵ، فرۆشی نەوت بە 73 تڕلیۆن و 821 ملیار و 820 ملیۆن و 815 هەزار و دینار 90%ی كۆی گشتیی داهاتی عێراق پێكدەهێنێت، ئەمەش دەریدەخات تائێستاش داهاتی نەوتیی بناغەی بودجەی گشتییە.

هەر بەپێی ئامارەكە، داهاتی نانەوتییش تەنیا هەشت تڕلیۆن و 555 ملیار و 371 ملیۆن و 804 هەزار دینار بووە و 10%ی كۆی گشتیی داهاتی عێراق پێكدەهێنێت.

سەبارەت بە خەرجییەكانیش، بەپێی داتا و زانیارییەكان 73 تڕلیۆن و 649 ملیار و 419 ملیۆن و 388 هەزار دینار بووە، كە لەو ژمارەیە 44 تڕلیۆنی بۆ مووچەی مووچەخۆران و 12 تڕلیۆن و 558 ملیار دیناری بۆ خانەنشینی و سێ تڕلیۆن و 710 ملیار دیناریشی بۆ مووچەی تۆڕی كۆمەڵایەتی خەرج كراوە.

بەپێی ئامارێكی دیكە، قەبارەی بەرهەمی نەوتی هەشت مانگی سەرەتای ئەمساڵی عێراق 964.9 ملیۆن بەرمیل بووە، كە نزیكەی 816.18 ملیۆن بەرمیلی لە هەمان ماوەدا لێ هەناردە كردووە.