4 کاتژمێر پێش ئێستا
253 جار خوێنراوەتەوە
نەتەوە یەکگرتووەکان: بەھۆی بارانی ئەم دواییە ٥٥ ھەزار خێزان زیانیان بەرکەوتووە
پهیام
نەتەوە یەکگرتووەکان ڕایگەیاند، بەھۆی ئەو باران بارینە بەخوڕەی کە لە چەند ڕۆژی ڕابردوو کەرتی غەززەی گرتبوویەوە، ٥٥ ھەزار خێزانی فەڵەستینی زیانیان بەرکەوتووە.
جێگری گوتەبێژی سکرتێری گشتیی نەتەوەیەکگرتووەکان، فەرحان حەق لە کۆنگرەیەکی رۆژنامەوانییدا ئاماژەی بەوەدا کە بەپێی ئەوەی نووسینگەی نەتەوە یەکگرتووەکان بۆ ھەماھەنگی کاروباری مرۆیی (OCHA) ڕایگەیاندووە بەھۆی ئەو باران بارینە بەخوڕەی کە لە چەند ڕۆژی ڕابردوو کەرتی غەززەی گرتبوویەوە تا ئێستا، ٥٥ ھەزار خێزانی فەڵەستینی زیانیان بەرکەوتووە.
ھەروەھا ڕاشیگەیاند کە زریان و بارانی بەخوڕ، زیانیان بە دەیان شوێنی منداڵان لە غەززە گەیاندووە و بووەتە ھۆی پەکخستنی چالاکیيەکانی پاراستنی منداڵان کە نزیکەی ٣٠ ھەزار منداڵ لە سەرانسەری ناوچەکەدا، زیانیان بەرکەوتووە.
باسی لەوەش کرد کە ھێشتا قهوارهی زایۆنی بەردەوامە لە دروست کردنی ئاستەنگ لە بەردەم ھەوڵەکانی ڕیکخراوە مرۆییەکان بۆ گەیاندنی یارمەتی مرۆیی بۆ کەرتی غەززە.
لە تۆڕە کۆمەڵایەتیەکان شەیری بکە