1 کاتژمێر پێش ئێستا
126 جار خوێنراوەتەوە
له ساڵی ئایندهدا؛ ئهمریكا یاسایهكی دیكهی تایبهت به سووریا ههڵدهوهشێنێتهوه
یەکێک لە گرنگترین بەشەکانی پڕۆژە یاسای بوودجەی بەرگریی ئەمریکا بۆ ساڵی ٢٠٢٦، هەڵوەشاندنەوەی یاسای پاراستنی خەڵکی سڤیل لە سووریایە کە بە یاسای سزاکانی سێزار ناسراوە و لە ساڵی ٢٠١٩دا پەسەند کراوە. بە پێی گەڵاڵەی بوودجەی ئەمریکا بۆ ساڵی ٢٠٢٦، ئەو یاسایە بە فەرمی هەڵدەوەشێتەوە و سزاکان لەسەر سووریا لادەدرێت.
هەڵوەشانەوەی ئەو یاسایە ڕێگە خۆش دەکات بۆ گەڕاندنەوەی سەرمایە و وەبەرهێنان بۆ سووریا و یارمەتییەکانی بیانی بۆ ئەو وڵاتە لە چوارچێوەی پشتیوانییەکانی لە حکوومەتی نوێی سووریادا.
بوودجەی بەرگریی ئەمریکا هەروەها پشتیوانی تەواو لە ئیسرائیل دەکات بە تایبەتی لە دابینکردنی پرۆگرامەکانی بەرگریی مووشەکی وەک سیستەمەکانی بەرگری ئاسمانی گونبەزی پۆڵایین و فلاخن داود.
جگە لەوانە، بوودجەی بەرگریی ئەمریکا بۆ ساڵی ٢٠٢٦، ڕێگەپێدانی کەڵک وەرگرتن کە هێزی سەربازیی (Authorization for Use of Military Force) دژ بە عێراق لە ساڵانی ١٩٩١ و ٢٠٠٢ هەڵدەوەشێنێتەوە.
لە تۆڕە کۆمەڵایەتیەکان شەیری بکە