3 کاتژمێر پێش ئێستا
145 جار خوێنراوەتەوە
ئـ.یسرائیل دەیەوێت 9000 یەكەی جوولەكەنشین لە شاری قودس دروستبكات
پەیام
قەوارەی زایۆنی پلانی هەیە نۆ هەزار یەكەی جوولەكەنشین لە شاری قودسی پیرۆز دروست بكات.
پارێزگاكە لە ڕاگەیاندراوێكدا ئاماژەی بەوەداوە: "دەسەڵاتدارانی داگیركەر، پلانێكی مەترسیداریان داناوە، بۆ ئەوەی هەزار یەكەی جوولەكەنشین لەسەر خاكی فڕۆكەخانەی نێودەوڵەتی قودس و ناوچەكانی دەوروبەری باكووری شاری قودس دروست بكەن".
باسی لەوەش كردووە، كە پلانەكەی قەوارەی زایۆنی، پلانیكی مەترسیدارە و دەبێتە مایەی گۆڕینی دیموگرافیای نێوان قودس و ڕامەڵڵا لە كەناری ڕۆژئاوا.
لە ڕاگەیەندراوەکەدا ئەوەش هاتووە، بەم دواییانە وەزارەتی دارایی قەوارەی زایۆنی داوای لە لیژنەی دارایی لە پەرلەمانی ئیسرائیلی (كنێست) كردبوو، كە خەرجكردنی 16 ملیۆن شێكێل (كە دەكاتە پێنج ملیۆن دۆلار) پەسەند بكات، ئەوەش بە بیانوی پاككردنەوەی زەوییە پیسەكانی باكووری شاری قودس، بەڵام لە ڕاستییدا، وەزارەتی دارایی قەوارەكە هەوڵدەدات لە رێگای خەرجكردنی ئەو پارەیەوە، پڕۆژەی دروستكردنی یەكەی جوولەكەنشینەكان لە باكووری شاری قودس و ناوچەكانی دەوروبەری جێبەجێ بكات.
ئەوەش خراوەتەڕوو: دروستكردنی كۆمەڵگەی جوولەكەنشینی دیكە دەبێتە مایەی جیاكردنەوەی ناوچەكانی باكووری شاری قودس لە ناوچەكانی دیكەی فەڵەستین.
لە تۆڕە کۆمەڵایەتیەکان شەیری بکە