1 کاتژمێر پێش ئێستا
288 جار خوێنراوەتەوە
هەولێر.. سبەی هەریەك لە مەزڵوم عەبدی و تۆم باراك كۆدەبنەوە
پەیام
بە نێوەندگیریی نێچیرڤان بارزانی سەرۆكی هەرێم، سبەی نێردەی ئەمریكا و مەزلووم عەبدی لە هەولێر كۆ دەبنەوە.
"لە چوارچێوەی هەوڵە چڕەكانی واشنتن بۆ ڕێگریكردن لە هەڵگیرسانی شەڕێكی نوێ لە سووریا، بڕیارە سبەی شەممە 17ی كانوونی دووەم، تۆم باراك، نێردەی تایبەتی ئەمریكا بۆ سووریا و مەزلووم عەبدی، فەرماندەی گشتیی هێزەكانی سووریای دیموكرات (هەسەدە) لە شاری هەولێر كۆ ببنەوە.
بەگوێرەی زانیارییەكانی پێگەی 'ئەلمۆنیتەر'، نێچیرڤان بارزانی، سەرۆكی هەرێمی كوردستان، ، ڕۆڵی نێوەندگیریی بینیوە بۆ ڕێكخستنی ئەم دیدارە.
كۆبوونەوەكە لە كاتێكدایە كە گرژییەكان گەیشتوونەتە لوتكە؛ حكومەتی كاتیی سووریا هەڕەشەی هێرشكردنە سەر ناوچەكانی هەسەدە دەكات و لە چەند ڕۆژی ڕابردووشدا لە گەڕەكەكانی شێخ مەقسوود و ئەشرەفییە لە حەلەب پێكدادان لەنێوان سوپای سووریا و ئاسایشی ڕۆژئاوا ڕوویداوە.
ئەمریكا دەیەوێت ڕێگری لە تێكچوونی ڕێككەوتنی 10ی ئازاری 2025 بكات كە لەنێوان مەزلووم عەبدی و ئەحمەد شەرع، سەرۆكی سووریا واژۆ كرابوو بۆ تێكەڵكردنەوەی دامەزراوەكانی بەڕێوەبەریی خۆسەر بە دەوڵەتی سووریاوە، چونكە تێكچوونی ئەو ڕێككەوتنە دەبێتە هۆی ناسەقامگیریی زیاتر لە ناوچەكەدا."
لە تۆڕە کۆمەڵایەتیەکان شەیری بکە