1 کاتژمێر پێش ئێستا
23 جار خوێنراوەتەوە
كەشناسیى هەرێم: شەپۆلی دیكەی بەفر و باران بەڕێوەیە
پەیام
كەشناسیی هەرێم ڕایدەگەیەنێت لەمڕۆوە تاوەكو ڕۆژی یەكشەممە 18ـی 1، كەشوهەوای هەرێمی كوردستان تا ڕادەیەك جێگیر دەبێت و لە یەكشەممەوە شەپۆلێكی نوێی بەفر و بارانبارین دێت.
بەپێی پێشبینییەكانی كەشناسی، تاكو سێ ڕۆژی دیكەش كەش ئاسایی دەبێت بەڵام پلەكانی گەرما لە ناوچە شاخاوییە سنوورییەكان بە شێوەیەكی بەرچاو دادەبەزن و لە ئاستی بەستندا دەمێننەوە.
بەپێی پێشبینی كەشناسیی، لە ڕۆژی یەكشەممەوە شەپۆلێكی نوێی بەفر و بارانبارین لە دەریای ناوەڕاستەوە دێت و تەواوی پارێزگاكانی هەولێر، سلێمانی، هەڵەبجە و ئیدارەكانی ڕاپەڕین و سۆران دەگرێتەوە و لە ناوچە شاخاوییەكان بەفر دەبێت و لە سەنتەری پارێزگاكانیشدا باران بارین دەبێت.
كەشناسی دەڵێت، ئەم شەپۆلەش لە ئێوارەی سێشەممە كۆتایی پێ دێت و پێشبینی دەكرێت تا كۆتایی مانگ چەند شەپۆلێكی دیكەی بەهێزی بەفر و بارانبارین ڕوو لە ناوچەكە بكەن و بە گشتی مانگی یەكی ئەمساڵ ساردتر بێت لە ئاسایی و ساڵانی ڕابردوو.
لە تۆڕە کۆمەڵایەتیەکان شەیری بکە