16/01/2026
417 جار خوێنراوەتەوە
دانیمارك: هەڵوێستەکانی ئەمریكا لەبارەی دورگەی گرینلاند قبوڵكراو نین
پەیام
وەزیری دەرەوەی دانیمارك ڕایگەیاند شكستیان هێناوە لە گۆڕینی هەڵوێستی ئەمریكا لەبارەی دورگەی گریلاند و ئەوەش قبوڵكراو نیە.
لارك لوك ڕاسموسن، وەزیری دەرەوەی دانیمارك لە لێدوانێكدا بۆ ڕۆژنامەنووسان وتی: وڵاتەكەی شكستی هێناوە لە گۆڕینی هەڵوێستی ئەمریكا بەرامبەر دورگەی گریلاند و ئاماژەی بەوەكرد بەلای ئەوانەوە هەموو ئەو بیرۆكانەی ڕێز لە یەكپارچەیی خاكی دانیمارك و مافی گەلی گریلاند لەدیاریکردنی چارەنووسی خۆی ناگرێت، قبووڵكراو نیە هەرگیز.
وەزیری دەرەوەی دانیمارك وتیشی: بە بەرپرسانی ئەمریكای ڕاگەیاندووە ویستی دۆناڵد ترەمپ لەبارەی دەستبەسەراگرتنی دورگەی گرینلاند ڕوونە و ئەوەش پێچەوانەی بەرژەوەندییەكانی دانیماركە.
ئەوە لەكاتێكدایە دۆناڵد ترەمپ، سەرۆكی ئەمریكا دەڵێت متمانەی بە دانیمارك نیە لە پرسی پاراستنی دورگەی گرینلاند و باسی لەوەكرد ڕووسیا و چین هەوڵی جدی دەدەن لەبارەی چوونە نێو ئەو دورگەیە كە وەك پرسێكی ئاسایشی نەتەوەییە بۆ ئەمریكا.
لە تۆڕە کۆمەڵایەتیەکان شەیری بکە