1 کاتژمێر پێش ئێستا
111 جار خوێنراوەتەوە
ئەمریكا هاووڵاتیانی ئاگاداردەكاتەوە بە زووترین كات لوبنان بەجێبهێڵن
پەیام
ئەمریكا هاووڵاتیەكانی لە لوبنان ئاگاداردەكاتەوە و داوایان لێدەكات بە زووترین كات ئەو وڵاتە بەجێبهێڵن.
باڵیۆزخانەی ئەمریكا لە بەیروت لە ڕاگەیەنراوێكدا هاووڵاتیانی ئەمریكای لە مەترسییەكان ئاگادار كردەوە لەدوای هەڕەشەكانی ئێران بۆ بەئامانجگرتنی زانكۆ ئەمریكیەكان لەسەرتاسەری ڕۆژهەڵاتی ناوەڕاست.
لە ڕاگەیەنراوەكە داوا لە هاووڵاتیانی ئەمریكا كراوە لوبنان بەجێبهێڵن تاوەكو بژاردەی گەشتی ئاسمانی لەبەردەستدایە و هەروەها داوا لە ئەمریكیەكان كراوە گەشت بۆ لوبنان نەكەن و ئەوانەشی لەو وڵاتە دەمێننەوە پلان بۆ باری لەناكاو دابنێنن و ئامادەكاریی بكەن بۆ مانەوە لەشوێنی نیشتەجێبوونیان لەكاتی تێكچوونی دۆخەكە.
باڵیۆزخانەی ئەمریكا لە لوبنان هانی هاووڵاتیە ئەمریكیەكانی داوە لە باشووری لوبنان و نزیك سنووری سوریا و كەمپی ئاوارەكان و باشووری بەیروت دەستبەجێ ئەو ناوچانە بەجێبهێڵن.
لەچەند ڕۆژی ڕابردوو باڵیۆزخانەی ئەمریكا لە بەغداد هۆشدارییەكی بەپەلەی بۆ هاووڵاتیانی ئەمریكا دەركرد بۆئەوەی بە زووترین كات عێراق بەجێبهێڵن بەهۆی بوونی هەڕەشە.
لە تۆڕە کۆمەڵایەتیەکان شەیری بکە