عێراق هانی كۆمپانیا نەوتییەكان لە هەرێم دەدات دەست بە بەرهەمهێنان بکەنەوە

پەیام
 
وەزیری نەوتی عێراق، ڕایگەیاند، كە كۆبوونەوەی سەرۆك وەزیران عەلی فالح زەیدی لەگەڵ شاندی هەرێمی كوردستان و نوێنەرانی كۆمپانیا نەوتییەكان بۆ دڵنیاكردنەوەی ئەو كۆمپانیا بیانییانە بووە كە لە هەرێمی كوردستان كار دەكەن، بۆ دابینكردنی ژینگەیەكی ئارامی كاركردن. 

باسم محەمەد خوزەیر عەبادی، وەزیری نەوتی عێراق جەختی كردەوە، كە هانی كۆمپانیاكانیان داوە بۆ دەستپێكردنەوەی دەستبەجێی بەرهەمهێنان و هەناردەكردن.

بەپێی ڕاگەیەنراوی وەزارەتی نەوتی عێراق لە كۆبوونەوەكەدا باس لەو ئاستەنگانە كراوە كە ڕووبەڕووی كۆمپانیا نەوتییەكانی هەرێم دەبنەوە لە كاتی كاركردنیاندا و سەرۆكوەزیران بەڵێنی داوە كە لایەنە پەیوەندیدارەكان ڕادەسپێرێت بۆ لێكۆڵینەوە لە كێشەكان و دۆزینەوەی چارەسەری گونجاو بە مەبەستی باشتركردنی ژینگەی كاركردن.
ئەمەش بەشێكە لە هەوڵەكانی حكومەت بۆ هاوكاریكردنی كۆمپانیاكان و بەرزكردنەوەی ئاستی داهاتی نیشتمانی.

وەزارەتی نەوت دووپاتی كردەوە ئامانجیان بەردەوامبوونی كارەكان و پاراستنی مافی وەبەرهێنەرانە لە عێراق، ئەم دیدارەش كە بەڕێوەبەرە گشتییەكانی دامەزراوە نەوتییەكان ئامادەی بوون، دەبێتە هۆی دڵنیایی زیاتر بۆ كۆمپانیاكان تا لە كارەكانیان بەردەوام بن و ئاستی بەرهەمهێنان لە هەرێم زیاد بكەن.