سەرۆكی كۆمەڵى دادگەریی پێشوازی لە فیدراسیۆنی ڕێكخراوە هاوئامانجەكان کرد

پەیام

ئەمڕۆ، یەكشەممە، مامۆستا عەلی باپیر، سەرۆكی كۆمەڵی دادگەریی كوردستان، پێشوازی لە (سیروان عەبدوسەمەد) سەرۆكی ڕێكخراوە هاوئامانجەكان و دەستەی كارگێڕی ڕێكخراوەكە كرد.

لە دیدارەكەدا تیشك خرایە سەر كار و چالاكییەكانی فیدڕاسیۆنی ڕێكخراوە هاوئامانجەكان كە چەترێكە بۆ كۆكردنەوەی ئەو ڕێكخراوانەی خاوەن یەك ئامانجی هاوبەشن لەپێناو خزمەتكردنی گشتی و پەرەپێدانی كاری ڕێكخراوەیی لە كوردستان.

لای خۆیەوە، مامۆستا عەلی باپیر وێڕای دەستخۆشی لە هەوڵ و كۆششەكانیان، جەختی لە گرنگی و بایەخی كاری ڕێكخراوەیی وەك ئامڕازێكی كاریگەر و سەردەمییانە بۆ خزمەتكردنی كۆمەڵگە كردەوە و هانی ڕێكخراوەكانی دیكەیشی دا هەوڵ بدەن ببنە بەشێك لەم جۆرە كارە پێكەوەییانە تاوەكوو گیانی هاوكاری و هەماهەنگی لە كاری مەیدانیدا زیاتر پەرە بسێنێت و خزمەتی زیاتری هاوڵاتییان بكرێت.