ئیسپانیا...مانگرتنی سەندیکاکان پشێوی لە چەند کەرتێک و خزمەتگوزارییەکان دروستکرد

په‌یام

سەندیکاکانی کرێکاران لە ئیسپانیا مانگرتنی گشتی یان ڕاگەیاند و بەو هۆیەوە چەند کەرتێک و خزمەتگوزارییەکان پشێوییان بەخۆوە بینی. 
سەندیکاکانی کرێکاران لە ئیسپانیا مانگرتنی گشتی یان ڕاگەیاند وەک ناڕەزایی دەربڕین بەرانبەر قەیرانی نیشتەجێبوون و بەرزبوونەوەی تێچووی ژیان و ئەوەش یەکەم مانگرتنی گشتی سەندیکاکانە لەماوەی ١٤ ساڵی ڕابردوو ئەنجام بدرێت. 
بەهۆی مانگی سەندیکاکانەوە کەرتی گواستنەوە و خزمەتگوزارییە گشتیەکان لە ئیسپانیا پشێوییان بەخۆوە بینی و مانگرتنی سەندیکاکان بووە هۆی پەککەوتنی هاتوچۆ لەسەر ڕێگا سەرەکیەکان بەتایبەت لە مەدرید و هەرێمی کەتەلۆنیا و وەزارەتی ناوخۆ دەیان کەسی دەستگیرکرد بەهۆی ڕووداوە جیاجیاکان و هێرشکردنە سەر موڵک و بیناکان. 
سەرکردەی سەندیکاکان لە ئیسپانیا ستایشی سەرکەوتنی مانگرتنەکەیان کرد و بانگەوازی ئەنجامدانی خۆپیشاندان لە مەدرید و بەرشەلۆنە کرا.