سەرۆكی كۆمەڵ لەگەڵ بەرپرسی مەكتەب و دەزگاكانی كۆمەڵ كۆبووەوە

پەیام  

سەرۆكی كۆمەڵی دادگەریی كوردستان لەگەڵ بەرپرسی مەكتەب و دەزگاكانی كۆمەڵ كۆ بووەوە.

ئەمڕۆ، شەممە، لە شاری سلێمانی، مامۆستا عەلی باپیر سەرۆكی كۆمەڵی دادگەریی كوردستان، بە ئامادەبوونی دەستەی كارگێڕیی مەكتەبی سیاسی، كۆبوونەوەیەكی لەگەڵ بەرپرسی مەكتەب و دەزگاكانی كۆمەڵ ئەنجام دا.

كۆبوونەوەكە بە مەبەستی دانانی پلان و ستراتیژی كاركردنی مەكتەب و دەزگاكان بوو بە شێوەیەك كە لەگەڵ بارودۆخ و ئاڵەنگارییەكانی كوردستان و ناوچەكەدا بگونجێت.

لە میانی كۆبوونەوەكەدا بەرپرسی دەزگا و مەكتەبەكانی كۆمەڵ پلان و كاری ئۆڕگانەكانیان خستە ڕوو، لە كۆتاییدا، وێڕای سوپاس و دەستخۆشی لە كارەكانیان، سەرۆكی كۆمەڵ ڕێنمایی پێویستی ئاڕاستە كردن.

پێشتر و لە سەرەتای ئەم مانگەشەدا، مامۆستا عەلی باپیر لەگەڵ بەرپرسی مەڵبەندەكانیش كۆ بوونەوە و سەرەڕای پاڵپشتی، ڕێنمایی پێویستی ئاڕاستە كردن.