مامۆستا عەلی باپیر سەردانی یەکێتیی زانایانی ئاینیی ئیسلامیی کوردستان دەکات

په‌یام
مامۆستا عەلی باپیر سەرۆکی کۆمەڵی دادگەری، وەفدێکی یاوەری بەبۆنەی (٥٦)ـەمین ساڵیادی دامەزراندییەوە سەردانی مەکتەبی تەنفیزی یەکێتیی زانایانیی ئاینیی ئیسلامیی کوردستانی کرد، لەلایەن مامۆستا عەبدوڵڵا وەیسی سەرۆکی یەکێتیی زانایان و ئەندامانی مەکتەبی تەنفیزی پێشوازییان لێ کرا.
 لە سەردانەکەدا سەرۆکی کۆمەڵ ساڵیادی دامەزراندنی لە یەکێتیی زانایان پیرۆز کرد و ڕۆڵ و پێگەی مامۆستایانی ئایینی لە کۆمەڵگە بەرز نرخاند، بەپێویستیشی زانی ڕێزی زیاتر لە ئەهلی مینبەر و میحراب بگیرێت.
هاوکات داوای کرد مامۆستایانی ئایینی باشترین پەیوەندییان لەگەڵ یەکدی هەبێت و نموونەی تەبایی و یەکڕیزی و برایەتی بن.
لای خۆیەوە سەرۆکی یەکێتیی زانایان، سەردان و بەسەرکردنەوەکەی مامۆستا عەلی باپیری بە گرینگ و جێگای بایەخ زانی، هەروەها ڕۆڵ و پێگەی سەرۆکی کۆمەڵی بە جێگەی ئومێدی هەموو لایەک پێناسە کرد.