2 کاتژمێر پێش ئێستا
94 جار خوێنراوەتەوە
توركش ئێرلاین گەشتەكانی لە نێوان ئیستەنبووڵ و سلێمانی دەستپێكردەوە
پەیام
دوای ماوەیەك ڕاگرتن، هێڵی ئاسمانیی توركیا (توركیش ئێیەرلاین) هەفتانە بە چوار گەشت گەشتەكانی لە نێوان ئیستەنبووڵ و سلێمانی دەستپێكردەوە.
هاوكات گەشتەكانی پێگاسۆس، ئەی جێت و هێڵی قەتەری بۆ سلێمانی ئەنجام دران و گەشتێكی تارانیش هەڵوەشایەوە.
لەلایەكی دیكەوە فڕۆكەخانەی نێودەوڵەتیی هەولێر ئەنجامدانی 50 گەشتی چوون و هاتنی ناوخۆیی و نێودەوڵەتی بۆ چەندین شاری جیهان بۆ ئەمڕۆ ڕاگەیاند.
پێشتر توركیا بەبیانووی هۆكاری ئەمنی و سیاسیی لە نیسانی 2023ەوە قەدەغەی گەشتی ئاسمانی بۆ سلێمانی ڕاگەیاند، دواتر لە تشرینی دووەمی 2025 دەستپێكردنەوەی گەشتەكانی ڕاگەیاند.
لە ساڵی 2026 یشدا بەهۆی گرژییە ئەمنییەكانی ناوچەكەوە ڕاگرتنی كاتی گەشتەكان لە توركیاوە بۆ سلێمانی دەستیپێكردەوە. ئەمڕۆش جارێكی دیكە هێڵی ئاسمانیی توركیا (توركش ئێرلاین) گەشتەكانی لە نێوان ئیستەنبووڵ و سلێمانی دەستپێكردەوە.
لە تۆڕە کۆمەڵایەتیەکان شەیری بکە