30/08/2026
4094 جار خوێنراوەتەوە
مەكتەبی سیاسیی كۆمەڵ پێشوازی لە شاندێكی "ئەكادیمیای ژنان بۆ سەركردایەتی لە عێراق" كرد
پەیام
مەكتەبی سیاسیی كۆمەڵی دادگەریی كوردستان پێشوازی لە شاندێكی "ئەكادیمیای ژنان بۆ سەركردایەتی لە عێراق" كرد.
ئەمڕۆ، یەكشەممە، لە شاری سلێمانی مەكتەبی سیاسیی كۆمەڵی دادگەریی كوردستان پێشوازی لە شاندێكی "ئەكادیمیای ژنان بۆ سەركردایەتی لە عێراق" كرد كە لە نوێنەرانی لایەنە سیاسییەكان پێك هاتبوون.
ئامانجی سەردانەكە تاوتوێكردنی ڕێگەچارەكانی چالاككردنی ڕۆڵی ئافرەتان بوو لە ناوەندەكانی بڕیاری سیاسی و شاندەكانی دانوستان لەسەر ئاستی هەرێمی كوردستان و عێراق.
لای خۆیانەوە ئەندامانی مەكتەبی سیاسیی كۆمەڵ جەختیان كردەوە كە ئافرەتان لە ڕیزەكانی كۆمەڵدا لە پێشەوەی بڕیارە سیاسییەكاندا بەشدارن و پشتیوانیی تەواوی توانا و ڕۆڵیان و هەر هەوڵێكیش بۆ بەرەوپێشبردنی توانای ئافرەتان دەكەن.
لە تۆڕە کۆمەڵایەتیەکان شەیری بکە