1 کاتژمێر پێش ئێستا
67 جار خوێنراوەتەوە
عێراق: بەهای دۆلار لە بازاڕدا دادەبەزێت و لە نرخی فەرمی نزیك دەبێتەوە
پەیام
جێگری سەرۆكوەزیرانی عێراق
بۆ كاروباری ئابووری ڕایگەیاند: نرخی دۆلاری هاوتەریب بە شێوەیەكی بەرچاو دادەبەزێت
و لە نرخی فەرمی نزیك دەبێتەوە، ڕایشیگەیاند: سبەی گوژمەیەكی دیكەی نەختینەی دۆلاری
داهاتی نەوت دەگاتە بەغداد.
لە گفتوگۆیەكی تەلەفزیۆنیدا،
محەمەد تەمیم، جێگری سەرۆكوەزیرانی عێراق بۆ كاروباری ئابووری ئاشكرای كرد كە بەهۆی
متمانەی بەهێزی نێوان بەغدا و واشنتن، حكوومەتی ئەمریكا بڕیاری داوە بە ناردنی سێ
ملیار دۆلاری كاش بۆ عێراق لە ماوەی ئەم دوو مانگەدا، لە كاتێكدا لە ساڵانی ڕابردوودا
بڕی دابینكردنی پارەی كاش بۆ كەمتر لە سێ ملیار دۆلار لە ساڵێكدا دابەزیبوو.
تەمیم ئاماژەی بەوە
كرد "بەشەپارەی یەكەم پێنجشەممەی ڕابردوو گەیشتووە، سبەی دووشەممەش بڕی 500
ملیۆن دۆلاری دیكە دەگاتە بەغدا، ئەم بڕە زۆرەی دۆلاری داهاتی نەوتی فرۆشراو بە تەواوی
كورتهێنان و خواستی ناوخۆیی پڕ دەكاتەوە".
جێگری سەرۆكوەزیرانی عێراق
جەختی كردەوە بەرپرسیارێتیی ئەم قسانە لە ئەستۆ دەگرێت كە ڕێكارەكانی حكوومەت و
بانكی ناوەندی لە پاڵ خستنەڕووی ئەو قەبارە گەورەیەی دۆلار لە بازاڕدا، دەبێتە هۆی
دابەزینی حەتمیی نرخی هاوتەریب و نزیك، یان یەكسان بە نرخی فەرمی.
لە تۆڕە کۆمەڵایەتیەکان شەیری بکە