"پارەی موچەی مانگی 10 دەخرێتە سەر هەژماری وەزارەتی دارایی هەرێم"

پەیام   

ئەحمەدی حاجی ڕەشید پەرلەمانتاری كۆمەڵ لە پەرلەمانی عێراق ڕایگەیاند، پارەی موچەی فەرمانبەرانی هەرێم بۆ مانگی 10 دەخرێتە سەر هەژماری وەزارەتی دارایی هەرێم.

ڕونیشیكردووەتەوە، "موچەی فەرمانبەران لە دائیرەی بوجە تەواو بووە و بریارە بەزووترین کات بخرێتە سەر هەژماری وەزارەتی دارایی هەرێم".

ئاماژەی بەوەشكردووە، بڕی پارەكە 959 ملیار و 396 ملیۆن و 877 هەزار و 909  دینارە.

حكومەتی عێراق دابەشكردنی مووچەی مانگی 10ی فەرمانبەرانی خۆی تەواو كردووە لە ئێستا دەستی بە دابەشكردنی مووچەی مانگی 11 ی خانەنشینان كردووە.

پاشئەوەی بەغدا پارەی مووچە دەخاتە سەرهەژماری وەزارەتی دارایی هەرێم، پێدەچێت لە هەفتەی داهاتوودا فەرمانبەرانی هەرێم مووچەی مانگی 10 وەربگرن.