پێش 4 هەفتە 184 جار خوێنراوەتەوە

ته‌ندروستیی‌ هه‌ولێر 20 پزیشكی نیشته‌جێی خولاو و دێرین سزا ده‌دات


به‌م جه‌ژنه‌، له‌سه‌ر بایكۆتی ده‌وامه‌كانیان، ته‌ندروستیی‌ هه‌ولێر 20 پزیشكی نیشته‌جێی خولاو و دێرین سزا ده‌دات.

ڕۆژێك به‌ر له‌ جه‌ژنی قوربانی پیرۆز، له‌ ڕاگه‌یه‌نراوێكدا، پزیشكانی نیشته‌جێی خولاوی هه‌ولێر ئاشكرایان كرد، به‌هۆی‌ دانه‌مه‌زرانی‌ پزیشكی نوێوه‌ شه‌ش مانگه‌ دۆخێكی چه‌قبه‌ستوو دروست بووه‌. وه‌زاره‌تی ته‌ندروستی هیچ پلانێكی بۆ چاره‌سه‌ركردنی كێشه‌كانیان نییه‌. هه‌روه‌ها هه‌ڕه‌شه‌ی مانگرتنیان كرد و ڕایانگه‌یاند: له‌ ئه‌مڕۆ، شه‌ممه‌وه‌ تا جێبه‌جێكردنی داواكارییه‌كانمان بایكۆتی ده‌وام له‌ سه‌رجه‌م فریاكه‌وتن و نه‌خۆشخانه‌كانی هه‌ولێر و سۆران به‌ هه‌موو به‌شه‌كانیه‌وه‌ ڕاده‌گه‌یه‌نین.

به‌و هۆیه‌وه‌ دوێنێ به‌رێوه‌به‌رایه‌تیی‌ ته‌ندروستیی‌ هه‌ولێر نووسراوێكی بڵاو كرده‌وه‌ و ڕایگه‌یاند، بڕیار دراوه‌ به‌ سزادانی‌ 20 پزیشكی نیشته‌جێی خولاو و دێرین له‌ هه‌ردوو نه‌خۆشخانه‌ی‌ ڕزگاری‌ و ڕاپه‌ڕین.

له‌ نووسراوه‌كه‌دا هاتووه‌، ئه‌و پزیشكانه‌ ئاماده‌نه‌بوون له‌ شوێنی ده‌وام، بۆیه‌ به‌ بڕیاری‌ به‌ڕێوه‌به‌ری‌ گشتی به‌ بڕینی یه‌ك ڕۆژ له‌ مووچه‌كانیان سزا دراون.
هه‌ر دوێنێ ته‌ندروستیی‌ هه‌ولێر نووسراوێكی دیكه‌ی‌ بلاو كرده‌وه‌ و تیایدا نه‌خۆشخانه‌ تایبه‌ته‌كانی‌ هه‌ولێر و سۆرانی‌ ئاگادار كرده‌وه‌ و هۆشداریی‌ پێ دان له‌وه‌ی ئه‌گه‌ر ئه‌و پزیشكانه‌ی‌ كه‌ بایكۆتی ده‌وامی‌ گشتیان كردووه‌ له‌و نه‌خۆشخانه‌ تایبه‌تانه‌ ده‌وام بكه‌ن ئه‌وا نه‌خۆشخانه‌كان ڕووبه‌ڕووی‌ لێپرسینه‌وه‌ و داخستن ده‌بنه‌وه‌.

لە تۆڕە کۆمەڵایەتیەکان شەیری بکە

  • 2 کاتژمێر پێش ئێستا

    پارتی و یه‌كێتی ته‌نها یه‌ك ڕێگایان له‌ به‌رده‌مدایه‌

  • 3 کاتژمێر پێش ئێستا

    داوای هه‌ڵوه‌شاندنه‌وه‌ی بڕیاری گواستنه‌وه‌ی یه‌كه‌ی ژمێریاری مۆنۆمێنتی هه‌ڵه‌بجه‌ ده‌كرێت

  • 3 کاتژمێر پێش ئێستا

    به‌هۆی خه‌مساردی ده‌سه‌ڵاتدارانی یه‌كێتی و پارتی هاووڵاتیان له‌ دۆخێكی سه‌ختدان

  • 3 کاتژمێر پێش ئێستا

    وه‌ك چۆن له‌ ڕیفراندۆمدا نیوه‌یان دۆڕاند؛ دوورنیه‌ ئێستاش به‌هۆی كه‌لله‌ڕه‌قییه‌وه‌ نیوه‌كه‌ی دیكه‌ بدۆڕێنن

  • 3 کاتژمێر پێش ئێستا

    كه‌ركووك.. نابینایه‌ك به‌ناوی ژنهێنانه‌وه‌ خه‌ڵه‌تێنراوه‌ و بڕێكی زۆر پاره‌ی براوه‌

  • 1 رۆژ پێش ئێستا

    "دەسەڵات بڕوای بە ئازادی ڕادەربڕین نەبووە و پێشتر لە سلێمانى بۆ مەرامی خۆی بەكاریهێناوە"

  • 1 رۆژ پێش ئێستا

    عێراق ناحیەی كۆكسی خستە سەر قەزای نوێی قەرەتەپە و ئیدارەی گەرمیان ڕەتیدەکاتەوە

  • 1 رۆژ پێش ئێستا

    دوای گرفتی پۆستە ئیدارییەكانى پارێزگاکە نوێنەری سودانی سەردانی كەركووكی كرد

سەرەتا