12/06/2025
745 جار خوێنراوەتەوە
فۆڕمی خۆراك ڕوخساری ئەو كەسانە ناخوێنێتەوە كە جوانكارییان كردووە
پەیام
هەركەسێك جوانكاری لە ڕوخساری كردبێت و فیلەر و بۆتۆكسی
بەكارهێنابێت، ئەپی پڕكردنەوەی فۆڕمی خۆراك دەموچاوی ناخوێنێتەوە.
نزیكەی مانگێك ماوە بۆ پڕكردنەوەی فۆڕمی ئەلیكترۆنی خۆراك
و ئەو خانمانەی جوانكارییان كردوە هەندێكیان ئەپەكە دەموچاویان ناخوێنێتەوە و گرفتیان
بۆ دروست بووە.
بەڕێوەبەری پسوڵەی خۆراكی سلێمانی لەو بارەیەوە ڕایگەیاند:
تاوەكو ڕۆژی ڕابردوو 18% هاووڵاتییانی سنوری پارێزگای سلێمانی فۆڕمە ئەلیكترۆنیەكەیان
پڕ كردووەتەوە.
بەڕێوەبەری پسوڵەی خۆراكی سلێمانی ڕوونیشی كردەوە
"ئەو خانمانەی جوانكارییان كردووە ئەگەر گۆڕانكاری بەسەر دەموچاویاندا هاتبێت
و وەك وێنەی سەر كارتی نیشتمانیەكەیان نەبێت ئەپەكە نایخوێنێتەوە و دەبێت سەردانیان
بكەن".
لە تۆڕە کۆمەڵایەتیەکان شەیری بکە