18 کاتژمێر پێش ئێستا
308 جار خوێنراوەتەوە
لەهێرشە نوێیەکانى ئێران بۆ سەر ئیسرائیل گەورەترین پاڵاوگەی سووتەمەنیی کرایە ئامانج
پەیام
لە هێرشەكانی ئەمشەوی ئێران بۆ سەر ئیسرائیل نزیكەی 100 كەس كوژراون و بریندار بوون. گەورەترین پاڵاوگەی سووتەمەنیی قەوارەكەش كراوەتە ئامانج.
بەرەبەیانی ئەمڕۆ سوپای پاسدارانی كۆماری ئیسلامی ئێران جارێكی دیكە هێرشی ئاسمانیی بۆ سەر قەوارەی زایۆنی بە زیاتر لە 100 مووشەك ئەنجام دا، ناوچەكانی ناوەڕاستی قەوارەكەی بە ئامانج گرتەوە و بەشێك لە مووشەكانیان توانیی بەرگریی ئاسمانی ئەو قەوارەیە تێپەڕێنێت و لە ناوچە جیاوازەكانی تەلئەبیب و حەیفا ئامانج بپێكن.
میدیای قەوارەی زایۆنی ڕایگەیاندووە، لە ناوەڕاستی قەوراەكە بەهۆی هێرشەكانەوە تا ئێستا هەشت كەس كوژراون و 287ی دیكە بریندار بوون، كە سێ لە كوژراوەكان بە مووشەكی ڕاستەوخۆی ئێران بووە لە پەناگەیەكدا لە تەلئەبیب.
لای خۆیەوە فەرماندەی ناوچەی ناوەڕاست لە پۆلیسی ئیسرائیلی ڕایگەیاندووە كە ژمارەیەكی زۆر لە باڵەخانەكان زیانیان بەركەوتووە.
ئێران لە هێرشەكانی ئەم بەیانییەدا گەورەترین پاڵاوگەی سووتەمەنیی قەوارەی زایۆنیی بەئامانج گرتووە، كە ڕۆژانە بڕێكی زۆر سووتەمەنی و وزەی لێوە هەناردەی ئەورووپا دەكرێت.
وەكوو لە دیمەنەكاندا دەردەكەوێت، پاڵاوگەكە ئاگری گرتووە و بەرگریی شارستانیی زایۆنی هەوڵی كوژاندنەوەی دەدات.
لە تۆڕە کۆمەڵایەتیەکان شەیری بکە