16/06/2025
200 جار خوێنراوەتەوە
ئەردۆغان: ئامادەین ڕۆڵی نێوەندگیر بگێڕین لە ململانێی نێوان ئێران و ئیسڕائیل
پەیام
سەرۆككۆماری توركیا ڕایدەگەیەنێت ئامادەن ڕۆڵی نێوەندگیر بگێڕن لە نێوان ئێران و قەوارەی زایۆنی.
بەپێی ڕاگەیەنراوی سەرۆكایەتیی توركیا، ڕەجەب تەیب ئەردۆغان، سەرۆككۆماری توركیا پەیوەندییەكی لەگەڵ مەسعوود پزیشكیان، هاوتا ئێرانییەكەی ئەنجام داوە و تیایدا تاوتوێی ململانێی ئێرانی - ئیسڕائیلی و چەند پرسێكی هەرێمییان كردووە. بەپێی ڕاگەیەنراوەكە ئەردۆغان ڕایگەیاندووە: پەیوەندیی لەگەڵ سەرۆكی چەند وڵاتێك ئەنجام داوە لەپێناو كۆتاییهێنان بە ڕووبەڕووبوونەوەكاندا كە چوار ڕۆژە بەردەوامن.
هاوكات ئەردۆغان ڕاشیگەیاندووە: وڵاتەكەی ئامادەیە هەستێت بە ڕۆڵی ئاسانكار و نێوەندگیر بۆ كۆتاییهێنان بە پێكدادانی نێوان ئێران و قەوارەی زایۆنی.
سەرۆككۆماری توركیا، جەختی لەوە كردووەتەوە ناكۆكییەكان لەسەر بەرنامەی ئەتۆمیی ئێران پێویستە لەسەر مێزی دانوستان چارەسەر بكرێن، ڕاشیگەیاندووە: هەموو ڕۆژێك ئەوە باشتر ڕوون دەبێتەوە كە هێرشەكانی ئیسڕائیل بە بیانووی ناوەندە ئەتۆمییەكان، زۆر بەرفراوانترن و ئامانجی خراپەكاریان لەپشتە.
لە تۆڕە کۆمەڵایەتیەکان شەیری بکە