پەیامێک توند لە ئاڵۆنسۆوە بۆ یاریزانەکانی ڕیاڵ مەدرید

پەیام سپۆڕت - بڕیار تەها

ئەوەی لە یاریگادا بەردەوام ڕانەکات یاری ناکات، ئەمە پەیامی چابی ئاڵۆنسۆی ڕاهێنەری نوێیە بۆ یاریزانەکانی یانەکەی.

 ئاڵۆنسۆ نزیکەی هەفتەیەکە وەک ڕاهێنەری نوێی ڕیاڵ مەدرید مەشق و ئامادەکارییەکانی بۆ جامی جیهانی یانەکان دەست پێکردووە.

ڕادیۆی کادینا سێری ئیسپانی ئاشکرای کردووە، چابی ئاڵۆنسۆ پەیامێکی ڕوون و ڕاشکاوی بە یاریزانەکان گەیاندووە و پێی وتون؛ ئەو یاریزانەی بەردەوام ڕاناکات و هەموو توانای خۆی بەکارناهێنێت ئەوا دڵنیابن کە یاریی پێ ناکات.

هەروەها چابی ڕاهێنەر بە هێرشبەرانی قەڵای سپی ڕاگەیاندووە؛ پێویست ناکات وەک بەرگریکار ڕابکەن، بەڵکو دەبێت بەردەوام فشار بخەیتە سەر بەرگریکارانی تیپی بەرانبەر.

سەرچاوەکە جەخت لەوە دەکاتەوە، ئاڵۆنسۆ بە یاریزانەکانی وتووە: دەبێت بە دوای هەموو تۆپێکدا ڕابکەن، نابێت چاوەڕێی بکەیت تۆپەکە بۆ قاچت بێت و ئەوەی گۆڵ تۆمار بکەیت، بەڵکو دەبێت بە دوای هەموو تۆپێکدا ڕابکەن.