بەرشەلۆنە نایەوێت نەشتەرگەری بۆ یاریزانێکی ئەنجام بدات

پەیام سپۆرت - بڕیار تەها
یانەی بەرشەلۆنەی ئیسپانی نایەوێت نەشتەرگەری بۆ دانی ئۆڵمۆی یاریزانی هێڵی ناوەندی یانەکەی ئەنجام بدات و پلانی شوێنگرەوەی بۆ چارەسەری پێکانی یاریزانەکەی هەیە.

 ڕۆژنامەی "سپۆرت"ی ئیسپانی پشتڕاستی کردەوە، ئۆلمۆ بەدەست پێکانی شانەوە دەناڵێنێت کە لە کاتی یارییەکەی بەرامبەر ئەتلەتیکۆ مەدرید تووشی بوو، دوای ئەوەی گۆڵی دووەمی بۆ "بلاوگرانا" تۆمار کرد، ئەمەش دەبێتە هۆی ئەوەی بۆ ماوەیەک کە لە مانگێک کەمتر نەبێت لە یاریگاکان داببڕێت.

ڕۆژنامەکە ڕوونیشیکردەوە، یانەکە بڕیاریداوە پلانێکی چاکبوونەوەی ورد بۆ یاریزانەکە پەیڕەو بکات، لەگەڵ دوورکەوتنەوە لە ئەنجامدانی نەشتەرگەری بۆ کەمکردنەوەی مەترسی سەرهەڵدانەوەی پێکانەکە، و مسۆگەرکردنی سەلامەتی شانی یاریزانەکە لەسەر ئاستی دوورمەودا. ئامانجی بەرشەلۆنە ئەوەیە ئۆلمۆ بە شێوەیەک بگەڕێتەوە یاریگاکان کە بتوانێت بە سەلامەتی و بەهێزەوە کێبڕکێ بکات، بەتایبەتی لە قۆناغی یەکلاکەرەوەی وەرزەکەدا کە گرنگترین نازناوەکان تیایدا یەکلایی دەکرێنەوە