داوای هه‌ڵوه‌شاندنه‌وه‌ی بڕیاری گواستنه‌وه‌ی یه‌كه‌ی ژمێریاری مۆنۆمێنتی هه‌ڵه‌بجه‌ ده‌كرێت

په‌یام
له‌ چوارچێوه‌ی‌ گه‌ڕاندنه‌وه‌ی‌ داهاته‌كه‌ی، حكومه‌تی‌ ماوه‌به‌سه‌رچووی‌ هه‌رێم یه‌كه‌ی‌ ژمێریاری‌ به‌ڕێوه‌به‌رایه‌تی‌ یادگاریی‌ هه‌ڵه‌بجه‌ كه‌ به‌ (مۆنۆمێنتی‌ شه‌هیدان) ناسراوه‌، هه‌ڵگرتووه‌ و یه‌كه‌كه‌ی‌ بۆ سه‌ر به‌ڕێوه‌به‌رایه‌تی‌ شه‌هیدان گواستووه‌ته‌وه‌.
له‌وباره‌وه‌، به‌ڕێوه‌به‌ری‌ مۆنۆمێنتی‌ شه‌هیدانی‌ هه‌ڵه‌بجه‌ به‌ په‌یامی‌ ڕاگه‌یاند:  هیوادارین حكومه‌ت ئه‌و بڕیاره‌ هه‌ڵوه‌شێنێته‌وه‌ و مۆنۆمێنتی‌ شه‌هیدانی‌ هه‌ڵه‌بجه‌ تایبه‌تمه‌ندی‌ پێ بدرێت، بۆ ئه‌و مه‌به‌سته‌ش لایه‌نی‌ په‌یوه‌ندیدارمان ئاگاداركردووه‌ته‌وه‌ پاڵپشتی‌ مانه‌وه‌ی‌ یه‌كه‌ی‌ ژمێریاری‌ مۆنۆمێنته‌كه‌ بن.