8 کاتژمێر پێش ئێستا
136 جار خوێنراوەتەوە
لیژنه‌كه‌ی ئه‌نجومه‌نی وه‌زیران بۆ چاره‌سه‌ركردنی پرسی مووچه‌ی هه‌رێم ده‌ستبه‌كاربوو
په‌یام
ئەنجوومەنی وەزیرانی عێراق لێژنەیەکی تایبەت بۆ ڕێکخستنی گەڵاڵەیەکی هاوبەش لە نێوان هەولێر و بەغدا ڕاسپارد
لە کۆبوونەوەی ئەنجوومەنی وەزیرانی عێراقدا، بڕیار درا لێژنەیەک لە پێنج وەزارەتی فیدڕاڵی، پڕۆژەکانی بەغدا و هەولێر لە چوارچێوەی گەڵاڵەیەکدا ڕێکبخەنەوە و ئاراستەی ئەنجوومەنەکەی بکەن، لیژنه‌یه‌ك ده‌ستبه‌كاربووه.
ئەنجوومەنی وەزیرانی عێراق لە کۆبوونەوەی هەفتانەی خۆیدا، بڕیاری دا سەبارەت بە پرسی ناردنی مووچەی فەرمانبەرانی هەرێم لێژنەیەک لە حکوومەتی فیدڕاڵ پێک بێنێت.
"ئەنجوومەنەكە لیژنەیەكی لە وەزیرانی داد، تەندروستی، دارایی، پلاندانان، خوێندنی باڵا بۆ تاوتوێ كردن و یەكلایی كردنەوەی هەردوو پڕۆژە پێشنیازكراوەكەی حكوومەتی عیراق و حكوومەتی هەرێم لەبارەی چارەسەری مووچە، نەوت، داهات و تەوتین، پێكهێناوە".
بەو پێیە لێژنەکە هەوڵ دەدەن گەڵاڵەیەکی هاوبەش لە پڕۆژەی حکوومەتی فیدڕاڵ و حکوومەتی هەرێم ئامادە و ئاراستەی ئەنجوومەنی وەزیرانی بکەن.
لە تۆڕە کۆمەڵایەتیەکان شەیری بکە