08/07/2025 311 جار خوێنراوەتەوە

كۆمه‌ڵی دادگه‌ری: ڕێكه‌وتن له‌گه‌ڵ به‌غدا به‌ تاكه‌ چاره‌سه‌ر ده‌زانین

په‌یام

ئه‌نجوومه‌نی‌ باڵای كۆمه‌ڵی دادگه‌ری ڕاگه‌یه‌ندراوێكی له‌باره‌ی دۆخی هاووڵاتیان و مووچه‌خۆرانی هه‌رێمی كوردستان و دانوستانه‌كانی نێوان حكومه‌تی ماوه‌به‌سه‌رچووی هه‌رێم و فیدڕاڵ بڵاودەکاتەوە..

به‌ ناوی خوای به‌خشنده‌ی میهره‌بان

جه‌ماوه‌ری خۆشه‌ویستی كوردستان
مووچه‌خۆران و فه‌رمانبه‌رانی به‌ڕێز

ئه‌م بارودۆخه‌ سه‌خت و دژواره‌ی هاووڵاتیانی هه‌رێمی كوردستان به‌ گشتی و فه‌رمانبه‌ران و مووچه‌خۆران به‌ تایبه‌تی تێی كه‌وتوون، مایه‌ی نیگه‌رانیمانه‌، ئۆباڵی ئه‌مه‌ش له‌ ئه‌ستۆی هه‌ردوو لایه‌نی ده‌سه‌ڵاتدار و حكومڕانانی حكومه‌تی فیدڕاڵ و حكومه‌تی ماوه‌به‌سه‌رچووی هه‌رێمی كوردستانه‌، باجی ناته‌بایی و ڕێكنه‌كه‌وتنه‌كانیش هاووڵاتیانی به‌شمه‌ینه‌تی كوردستان ده‌یده‌ن.

ئێمه‌ له‌ كۆمه‌ڵی دادگه‌ری پێمان وایه‌ كه‌:

1.ده‌بێت چاره‌سه‌ری كێشه‌ و گرفته‌كان به‌ گفتوگۆ و دانوستانی به‌رپرسیارانه‌ بێت له‌ نێوان حكومه‌تی فیدڕاڵ و به‌رپرسانی هه‌رێمی كوردستان و، له‌م قۆناغه‌دا ڕێككه‌وتن به‌ تاكه‌ ڕێگه‌ی چاره‌سه‌ر ده‌زانین.

2.پێویسته‌ به‌رپرسانی هه‌رێمی كوردستان له‌ داهات و خه‌رجیی سامانه‌ سروشتییه‌كان و داهاتی ناوخۆ و خاڵه‌ سنوورییه‌كان شه‌فاف بن و، به‌هانه‌ نه‌ده‌نه‌ ده‌ست حكومه‌تی فیدڕاڵ بۆ خه‌رجنه‌كردنی مووچه‌ و شایسته‌ داراییه‌كانی هه‌رێمی كوردستان.

3.ده‌خوازین حكومه‌تی فیدڕاڵیش به‌ شوێن به‌هانه‌وه‌ نه‌بێت و قووتی خه‌ڵكی و مووچه‌ تێكه‌ڵ به‌ پرس و ناته‌باییه‌ سیاسییه‌كان نه‌كات.

4.ئێمه‌ پێمان وایه‌ به‌رپرسانی پارتی و یه‌كێتی ئه‌گه‌ر بیانه‌وێت ده‌توانن له‌ داهاتی ئه‌و نه‌وته‌ی به‌ قاچاخ ده‌یفرۆشن و به‌ داهاتی ناوخۆ و سنووره‌كان ده‌توانرێت مووچه‌ دابین بكه‌ن.

كۆمه‌ڵی دادگه‌ریی كوردستان
ئه‌نجوومه‌نی باڵا
٨/٧/٢٠٢٥


لە تۆڕە کۆمەڵایەتیەکان شەیری بکە

  • 16 کاتژمێر پێش ئێستا

    پارەى مووچەی مانگی شەشی فەرمانبەرانی هەرێم سبەینێ دەنێردرێت

  • 22 کاتژمێر پێش ئێستا

    نرخی دراوە جیهانییەكان لە بازاڕەکانى هەرێم

  • 22 کاتژمێر پێش ئێستا

    عێراق گەیشتووە بە ئاستى خۆبژێوی و ئەگەری دابەزینی زیاترى نرخی بەرهەمە نەوتییەكان هەیە

  • 23 کاتژمێر پێش ئێستا

    نرخی زێڕ لە بازارەکانی هەرێم

  • 23 کاتژمێر پێش ئێستا

    نرخى بەرمیلێک نەوت لە بازاڕەکانى جیهاندا لە سەرووى ٦٧ دۆلارەوەیە

  • 2 رۆژ پێش ئێستا

    نرخى بەرمیلێک نەوت لە بازاڕەکانى جیهاندا لە سەرووى ٦٨ دۆلارەوەیە

  • 3 رۆژ پێش ئێستا

    ئێران: ئه‌ورووپا ناتوانێت ڕێگه‌ی فرشتنی نه‌وتمان لێ بگرێت

  • 3 رۆژ پێش ئێستا

    نرخى زێڕ له‌ بازاڕه‌كانی هه‌رێم

سەرەتا