23 کاتژمێر پێش ئێستا
114 جار خوێنراوەتەوە
ئەمریكا ڕێ بە گەڕانەوەی دبلۆماتكارەكانی بۆ بەغداد و هەولێر دەدات
پەیام
دوای زیاتر لە مانگێك، ئەمریكا ڕێگە بە گەڕانەوەی دبلۆماتكارەكانی بۆ عێراق دەدات، بەڵام هێشتا ئامۆژگاری هاووڵاتیانی دەكات گەشت بۆ عێراق نەكەن.
تامی بروس وتەبێژی وەزارەتی دەرەوەی ئەمریكا بە ڕۆژنامەنووسانی ڕاگەیاند: دبلۆماتكارەكانی ئەمریكا كە بەشێوەیەكی كاتی لە دەرەوەی عێراق بوون، دەست بە گەڕانەوەی بۆ هەردوو باڵیۆزخانەی ئەمریكا لە بەغداد و كونسوڵخانەی ئەمریكا لە هەولێر، لە هەرێمی كوردستان دەكەن.
لە بەرانبەردا، وتەبێژەكەی وەزارەتی دەرەوەی ئەمریكا ئاشكرایكرد "هێشتا ئامۆژگاری هاووڵاتیانی ئەمریكی دەكات گەشت بۆ عێراق نەكەن".
وەزارەتی دەرەوەی ئەمریكا هیچ ڕوونكردنەوەیەكی زیاتری لە هۆكاری گەڕانەوەی دبلۆماتكارەكانی وڵاتەكەی بۆ عێراق نەداوە بەڵام بە گشتی وەك ئاماژەیەك دادەنرێت كە واشنتۆن پێی وایە مەترسی جەنگ و ململانێ لەگەڵ ئێران كەم بووەتەوە.
ئەم هەنگاوە دوای ئەوە دێت كە لە لە 22ی حوزەیراندا ئەمریكا زۆرینەی كارمەند و دبلۆماتكارەكانی لە عێراق كشاندەوە وەك ئامادەكارییەك بۆ دەستپێكردنی هێرشەكانی قەوارەی زایۆنی بۆ سەر ئێران.
لە تۆڕە کۆمەڵایەتیەکان شەیری بکە