12/07/2025 218 جار خوێنراوەتەوە

نەتەوە یەكگرتووەكان پێشوازی لە هەنگاوی چەكدانانی پـەكـەكـە دەكات

پەیام 

نەتەوە یەكگرتووەكان پێشوازی لە هەنگاوی چەكدانانی پارتی كرێكارانی كوردستان (پەكەكە) دەكات و دەڵێت: ئامادەی هەر جۆرە هاوكارییەكن بۆ پڕۆسەكە.

دوای ڕێوڕەسمی سیمبولیی چەكدانان لەلایەن گرووپێكی پارتی كرێكارانی كوردستان "پەكەكە"وە، ستیڤان دووجاریك، وتەبێژی نەتەوە یەكگرتووەكان لە كۆنگرەیەكی ڕۆژنامەوانیدا ڕایگەیاند: پێشوازی لە جێبەجێكردنی ڕێككەوتنەكە دەكەین، لانی كەم هەنگاوی یەكەمی كە پەیوەستە بە داماڵینی پەكەكە لە چەك.

وتەبێژی یو ئێن هیوای خواست، ئەم هەنگاوەی پارتی كرێكارانی كوردستان هەنگاوی دیكەی لەپێناو بەدیهێنانی ئاشتیی هەمیشەیی لە ناوچەكەدا بەدوادا بێت. 

ستیڤان دووجاریك ڕاشیگەیاند: نەتەوە یەكگرتووەكان ئامادەی پێشكەشكردنی هەر جۆرە هاوكاری و پشتیوانییەكە بۆ پرۆسەكە ئەگەر داوای لێ بكرێت.

ڕۆژى 11ى 7ى 2025 لە ئەشكەوتی جاسەنەی نزیك شاری سلێمانی 30 گەریلای پەكەكە چەكەكانیان سووتاند و ڕایانگەیاند: پابەند دەبین بە پەیامی عەبدوڵڵا ئۆجەلان، ڕێبەری زیندانیكراوی پەكەكەوە بۆ چەكدانان و هەنگاونان بەرەو پرۆسەی ئاشتی، ئەمەش پێشوازیی و جۆراوجۆری لە لایەنە جیاوازەكان لێ كەوتووەتەوە.

لە تۆڕە کۆمەڵایەتیەکان شەیری بکە

  • 9 کاتژمێر پێش ئێستا

    دوو لەسەر سێی بەریتانییەكان ئامادەنین بۆ بەرگریكردن لە وڵاتەكەیان بجەنگن

  • 9 کاتژمێر پێش ئێستا

    زۆرینەی گەنجانی ئەمریكا پشتیوانی لە لایەنە بەرگریکارە فەڵەستینییەکان دەکان

  • 1 رۆژ پێش ئێستا

    بۆ شكاندنی گەمارۆی سەر كەرتی غـ.ەززە سبەی دەیان كەشتی بەڕێدەكەون

  • 1 رۆژ پێش ئێستا

    دادگای فیدڕاڵی ئەمریكا: ترەمپ دەسەڵاتی سەپاندنی باجی گومرگی بەسەر هەموو وڵاتاندا نییە

  • 2 رۆژ پێش ئێستا

    ئەمریكا ڕێگری لە بەشداربوونی مەحمود عەباس لە كۆبوونەوەی نەتەوەیەكگرتووەكان دەكات

  • 2 رۆژ پێش ئێستا

    پۆڵەندا.. فڕۆكەیەكی ئێف 16 لەكاتی نمایشدا كەوتە خوارەوە و فڕۆكەوانەكەی گیانیلەدەستدا

  • 3 رۆژ پێش ئێستا

    ئه‌ورووپا سزاكان به‌سه‌ر ئێراندا ده‌سه‌پێنێته‌وه‌

  • 5 رۆژ پێش ئێستا

    دۆناڵد تره‌مپ: زۆرینه‌ی خه‌ڵكی ئه‌مریكا دیكتاتۆریان ده‌وێت

سەرەتا