17 کاتژمێر پێش ئێستا
155 جار خوێنراوەتەوە
چوار لیژنە بۆ جێبەجێكردنی ڕێككەوتنەكەی هەولێر و بەغداد پێكدەهێنرێت
پەیام
چوار لیژنە بۆ جێبەجێكردنی ڕێككەوتنەكەی نێوان حكومەتی فیدڕاڵ و حكومەتی ماوەبەسەرچووی هەرێم دروست دەكرێت.
سۆران عومەر سەرۆكی فڕاكسیۆنی كۆمەڵی دادگەری لە ئەنجوومەنی نوێنەرانی عێراق ڕایگەیاند: بۆ جێبەجێكردنی ڕێكەوتنی نێوان هەولێر و بەغداد چوار لیژنە پێك دەهێنرێت.
بەپێی زانیارییەكان "لیژنەیەك بۆ زانینی پێویستیی ناوخۆی هەرێم بە سووتەمەنی، یەكێكیش بۆ وردبینی داهاتی نێوخۆ، سێیەمیش تەواوكردنی بەبانكییكردنی مووچە (تەوتین) و چوارەمیش ئەركی چارەسەركردنی كێشەی تەواوبوونی پشكی هەرێم لە بوجەی گشتی پێ دەسپێردرێت".
دەبێت سەرجەم لیژنەكان لەماوەی دوو هەفتەدا كارەكانیان تەواو بكەن.
رۆژى 17ى 7ى 2025 ئەنجوومەنی وەزیرانی عێراق رێككەوتنی هەولێر و بەغدای پەسند كرد، ئەوەیش دوای ئەوەی رۆژى پێشتر ئەنجوومەنی وەزیرانی كوردستان پەسندكردنی ئەو رێككەوتنەی راگەیاند.
لە تۆڕە کۆمەڵایەتیەکان شەیری بکە