18/07/2025
397 جار خوێنراوەتەوە
ئاگر كەوتنەوە لە عێراق بووە بە دیاردە و قوربانییانى ئاگرەکەى کوتیش گەیشتە 69 كەس
پەیام
فازڵ غەراوی بەڕێوەبەری سەنتەری ستراتیجی بۆ مافەكانی مرۆڤ لە عێراق ڕایگەیاند: لە عێراقدا ئاگركەوتنەوە وەك دیاردەی لێ هاتووە.
بەڕێوەبەری سەنتەری ستراتیجی بۆ مافەكانی مرۆڤ وتیشی: لە ساڵی 2022دا زیاتر لە 31 هەزار ڕووداوی ئاگر كەوتنەوە هەبووە، لە ساڵی 2023دا زیاتر لە 34 هەزار و 500 ڕووداوی ئاگر كەوتنەوە هەبووە، لە ساڵی 2024 یش تاوەكو مانگی حەوتی ئەمساڵ زیاتر لە 21 هەزار ڕووداوەی ئاگر كەوتنەوە لە عێراق ڕوویداوە.
سەبارەت بە ئاگرەكەی (كوت)یش غەڕاوی ڕایگەیاند: ژمارەی ئەوانەی لە ئاگركەوتنەوەكەدا گیانیان لەدەست داوە گەیشتووەتە 69 كەس و تیمەكانیش پشكنین بۆ ئەو تەرمانە دەكەن كە توانای ناسینەوەیان نییە.
لە تۆڕە کۆمەڵایەتیەکان شەیری بکە