لاپۆرتا هەڕەشە لە پاریس سانجێرمان دەکات

پەیام سپۆڕت - مەڕوان تاڵیب

خوان لاپۆرتای سەرۆکی یانەی بەرشەلۆنە زەنگی مەترسی بۆ پاریس سانجێرمان لێدەدات و لە ئێستاوە هەڕەشەی ڕووبەڕبووبوونەوەیان لێدەکات.

 لەمیانەی نوێترین چاوپێکەوتنی ڕۆژنامەوانیدا، سەرەتا سەرۆکەکەی بلاوگرانا ڕایگەیاند، شێوازە نوێیەکەی چامپیۆنسلیگ ئاستی ڕکابەرییەکانی بەرز کردووەتەوە و دەستخۆشی لە سەرۆکی یوفا دەکات.

لە بەشێکی دیکەی قسەکانی لاپۆرتا دەشڵێت: پاریس سانجێرمان وەرزی ڕابردوو ئاستێکی بەرزی نیشاندا و یانەپاڵەوانەکان و خولی فەڕەنسیان بردەوە لەگەڵ ڕاهێنەرێکی گەورە و کۆمەڵێک یاریزانی نایاب، بەداخەوە نەمانتوانی بەرانبەریان یاری بکەین.

لە کۆتایدا خوان ئاماژە بەوە دەکات، هیوادارە لە وەرزی نوێدا ڕووبەڕووی پاریس سانجێرمان ببەنەوە بۆ ئەوەی ئەوە ڕوون بێتەوە و بزانن بەرشەلۆنە یان پاریس کامیان باشترن، چونکە پێیوایە وەرزی ڕابردوو دوو باشترین تیپی جیهان بوون و دڵنیاشە هاندەران تامەزرۆی یارییەکی لەو شێوەیە دەکەن، جا چ لە تەلەفزیۆن بێت یان بە شێوەیەکی ڕاستەوخۆ سەیری بکەن.