ڕیاڵ مەدرید لە نێوان مێندی و گارسیا خۆی یەکلایی کردەوە

پەیام سپۆڕت - بڕیار تەها

یانەی ڕیاڵ مەدرید خۆی یەکلایی کردووەتەوە و لە نێوان فێرلاند مێنسی فەرەنسی و فران گارسیای ئیسپانی دەستبەرداری بەرگریکارە فەرەنسییەکە دەبێت.

 ڕۆژنامەی مارکای نزیک لە ڕیاڵ مەدرید ئاشکرای کردووە، ڕیاڵ مەدرید دەیەوێت پێش داخستنی دەرگای گواستنەوە لە باڵی بەرگری چەپی یانەکەی دەستبەرداری یاریزانێک ببێت، ئەمەش پاش ئەوەی ئالڤارۆ کارێراس پەیوەندی بە یانەکەوە کرد.

سەرچاوەکە زانیاری زیاتر ئاشکرا دەکات و دەنووسێت؛ ڕیاڵ مەدرید لە نێوان مێندی و گارسیا خۆی یەکلاکردووەتەوە و لەم چەند ڕۆژەی مێرکاتۆی ماوە ئامادەیە دەستبەرداری مێندی ببێت و گارسیا لە یانەکە بهێڵێتەوە.

ڕۆژنامەی مارکا باس لەوە دەکات، بەرپرسانی ڕیاڵ مەدرید بەهۆی ئەوەی بەرگریکارە فەرەنسییەکە زۆرتر دووچاری پێکان دەبێت بڕیاریان لە فرۆشتنی داوە و پێیانوایە بوونی سێ بەرگریکار لە باڵی چەپ زۆرە و پێویست ناکات.