ئانچلۆتی هۆشداری دەدات و ڕێگاچارەیەکیش دەخاتە ڕوو

بڕیار تەها - پەیام سپۆڕت

کارلۆ ئانچلۆتی ئیتاڵی و ڕاهێنەری هەڵبژاردەی بەڕازیل هۆشداری لە بارەی داڕووخانی تۆپی پێ بە گشتی دەدات و هاوکات داوایەکیش ئاڕاستەی هەریەکە لە فیفا و یوفا دەکات.

 لە نوێترین دیدارێدا لەگەڵ ڕۆژنامەی ئێل جۆڕناڵی ئیتاڵی، ئەو ڕاهێنەرە سەرەتای قسەکانی باسی لەوە کرد، خەریکی تۆپی پێ دادەڕوخێت، هۆکارەکەشی گەڕاندەوە بۆ زۆربوونی ژمارەی یارەییەکان، داوای لە فیفای و یوفاش کرد پێداچوونەوە بە خشتەی یارییەکان بکەن.

لە بەردەوامی قسەکانیدا ڕاهێنەرە ئیتاڵییەکە وتی: چارەسەر ئەوەیە ژمارەی تیپە بەشداربووەکانی خولەکان لە 20 یانەوە بۆ 18 یانە کەم بکرێتەوە، هەموو یارییەکان چێژ بەخش نین و زۆر یارییەکان دەبێتە هۆی بەرزبوونەوەی ژمارەی پێکانەکان.

لە کۆتایی قسەکانیشیدا سەبارەت کارکردنی لەگەڵ سیلیساو، کارلیتۆ ئەوەی خستەڕوو، سێ بژاردەی هەیە، لەگەڵ بەڕازیل بەردەوام بێت، یان بەدوای پڕۆژەیەکی سەرنجڕاکێشدا بگەڕێت، یان واز بهێنێت و خانەنشین ببێت، بەڵام تاکو ئێستا بروای وایە دەکرێت بەردەوام بێت.