عومەر مەڕمووش خاڵی سەرکەوتنی مانچستەر سیتی لەم وەرزە ڕوون دەکاتەوە

پەیام سپۆڕت - مەڕوان تاڵیب

عومەر مەڕمووشی میسڕی و هێرشبەری مانچستەر سیتی خاڵی سەرکەوتنی تیپەکەی لەم وەرزە ڕوون دەکاتەوە.

 لە چاوپێکەوتنێکی لەگەڵ ماڵپەری فەڕمی یانەکەی، مەڕمووش وتی: هەست بە باشی دەکەین و ڕاهێنانەکان لە ئاستێکی بەرزدان و ئێمە وەرزەکە یاری دوای یاری مامەڵەی لەگەڵدا دەکەین و توانایەکی زۆرمان هەیە و بۆ یانەیەکی وەک مانچستەر سیتی ئامانج هەمیشە بردنەوەی نازناوەکانە.

لە بەشێکی دیکەی قسەکانی عومەر ئاماژە بەوەش دەکات، ئەگەر تیپەکە بیەوێت ڕکابەری لەسەر نازناوەکان بکات، کێبڕکێی یاریزانەکان لەسەر پێکهاتەی سەرەکی زۆر گرنگە، ئەگەر لەسەر کورسی یەدەگەوە بەشداریت کرد پێویستە هەموو ئاستێکی خۆت نیشان بدەیت، ئەوەش ئاستی تیپەکە بەرز دەکاتەوە.

لە کۆتایدا سەبارەت بە هاتنی یاریزانە نوێیەکان، مەڕمووش دەشڵێت: ڕەیان نوری لەگەڵ تۆپدا نایابە و لەڕووی بەرگریشەوە زۆر بەهێزە، ڕایندەرز کاریگەرییەکی گەورەی هەیە لە ڕووی هێرشبەرییەوە و ڕەیان شەرقیش لەو جێگایانەی زۆر تەنگ و قورسن لە یاریگادا ئاستێکی بەرزی هەیە.