هەولێر: مامۆستا عەلی باپیر پێشوازیی لە سەركونسوڵی كۆماری ئیسلامیی ئێران دەكات

پەیام:

ئەمڕۆ چوارشەممە ٦/٨/٢٠٢٥ مامۆستا عەلی باپیر سەرۆكی كۆمەڵی دادگەریی كوردستان، پێشوازیی كرد لە ئاغای فەرامەرز ئەسەدیی سەركونسوڵی كۆماری ئیسلامیی ئێران لە هەولێرو، وەفدی یاوەریی.

لەدیدارەكەدا وەفدی کۆماری ئیسلامی ئێران، پیرۆزبایی سەركەوتنی كۆنگرەی پێنجەمی كۆمەڵی دادگەریی‌و، هەڵبژاردنەوەی مامۆستا عەلی باپیر وەك سەرۆكی ئاڕاستەکردو، هیوای بەردەوامی سەركەوتن‌و زیاتر بەرەوپێشبردنی كۆمەڵی دادگەرییان خواست لە گۆڕەپانی سیاسیی عێڕاق‌و هەرێمی كوردستان.

سەرۆكی كۆمەڵ وێڕای سوپاس‌و پێزانینی بۆ سەردانەكەیان‌و گەیاندنی پیرۆزباییان، ئاماژەی بەوەكرد كە گەل‌و حكوومەتی ئێران لەڕۆژگاری خەباتی هێزە سیاسییەكان دژی ڕژێمی بەعس‌و ڕۆژانی ئاوارەیی، بەردەوام پشتیوان‌و هاوكاری گەلی کوردبوون.